पतीनंतर आता पत्‍नीचीही प्राणज्योती मालवली!, पैठणमध्ये घडला होता अपघात

By City News Desk

On 27 Jun 2024

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

बालानगर, ता. पैठण (रामनाथ गोर्डे) : ट्रकने दुचाकीला धडक दिल्याने तरुणाचा जागीच मृत्यू, तर पत्नी गंभीर जखमी झाली होती. जखमी पत्नीचा बुधवारी (२६ जून) सकाळी सहाला घाटी रुग्णालयात उपचारादरम्यान मृत्यू झाला. अश्विनी विकास शरणागत (वय २३ वर्षे, रा. बालानगर) असे तिचे नाव आहे. हा अपघात पाचोड- पैठण रोडवरील थेरगावजवळ २१ जूनला दुपारी घडला होता. अश्विनी […]

बालानगर, ता. पैठण (रामनाथ गोर्डे) : ट्रकने दुचाकीला धडक दिल्याने तरुणाचा जागीच मृत्यू, तर पत्नी गंभीर जखमी झाली होती. जखमी पत्नीचा बुधवारी (२६ जून) सकाळी सहाला घाटी रुग्णालयात उपचारादरम्यान मृत्यू झाला. अश्विनी विकास शरणागत (वय २३ वर्षे, रा. बालानगर) असे तिचे नाव आहे. हा अपघात पाचोड- पैठण रोडवरील थेरगावजवळ २१ जूनला दुपारी घडला होता.

अश्विनी गर्भवती असल्याने तपासणीसाठी पती विकास शरणागत दुचाकीवर तिला घेऊन पाचोडकडे येत होता. थेरगावजवळ त्यांच्या दुचाकीला ट्रकने धडक दिली होती. यात विकासचा जागीच मृत्यू झाला, तर पत्नी अश्विनी गंभीर जखमी झाली होती. तिला उपचारासाठी छत्रपती संभाजीनगरच्या घाटी रुग्णालयात दाखल केले होते. बुधवारी सकाळी सहाला तिनेही शेवटचा श्वास घेतला. ट्रक चालक गणेश सुळ याला पोलिसांनी अटक केलेली असून, न्यायालयाने त्याची रवानगी हर्सूल कारागृहात केलेली आहे.