जायकवाडी धरणाचे दरवाजे कोणत्‍याही क्षणी उघडण्याची शक्‍यता!, धरण ८७ टक्‍के भरले

By City News Desk

On 02 Sep 2024

"छत्रपती संभाजीनगर सिटी न्यूज' वेबसाईटवर प्रसिद्ध होणारा मजकूर, छायाचित्रे 'मेट्रोपोलिस पोस्ट' वृत्तपत्राच्या परवानगीशिवाय पूर्णतः किंवा अंशतः कॉपी करण्यास सक्त मनाई आहे. असे करताना कुणीही आढळल्यास कोणतीही वेगळी नोटीस न देता कायदेशीर कारवाई केली जाईल याची नोंद घ्यावी. - संपादक, मेट्रोपोलिस पोस्ट वृत्तपत्र

पैठण (सीएससीएन वृत्तसेवा) : जायकवाडी धरणाचे दरवाजे कोणत्याही क्षणी उघडावे लागतील, अशी शक्यता निर्माण झाली आहे. आज, २ सप्‍टेंबरला सकाळी सहाला धरणाची पाणीपातळी एकूण ८७.३ टक्‍क्‍यांवर पोहोचली आहे. नाशिक, नगर जिल्ह्यात सुरू असलेल्या पावसाचे पाणी वेगाने गोदापात्रातून वेगाने धरणात दाखल होत असून, धरण पूर्ण क्षमतेने भरण्यास आता काहीच अवधी बाकी आहे. आठच दिवसांत धरण ५० […]

पैठण (सीएससीएन वृत्तसेवा) : जायकवाडी धरणाचे दरवाजे कोणत्याही क्षणी उघडावे लागतील, अशी शक्यता निर्माण झाली आहे. आज, २ सप्‍टेंबरला सकाळी सहाला धरणाची पाणीपातळी एकूण ८७.३ टक्‍क्‍यांवर पोहोचली आहे. नाशिक, नगर जिल्ह्यात सुरू असलेल्या पावसाचे पाणी वेगाने गोदापात्रातून वेगाने धरणात दाखल होत असून, धरण पूर्ण क्षमतेने भरण्यास आता काहीच अवधी बाकी आहे.

आठच दिवसांत धरण ५० टक्‍क्‍यांवरून ८७ टक्‍क्‍यांवर गेले आहे. आज, उद्या धरण भरून दरवाजे उघडण्याची वेळ येईल, असे चित्र आहे. आज सकाळी सहाला पाटबंधारे विभागाकडून धरणाची पाणीपातळी जाहीर करण्यात आली. त्यानुसार, धरणात सध्या ९७१.७८ क्‍युसेक वेगाने पाणी दाखल होत आहे. सध्या धरणातून माजलगाव धरणासाठी १९.८२ क्‍युसेकने विसर्ग केला जात आहे. सध्या धरणात ९२.७८ दशलक्ष घनमीटर इतके पाणी आहे. जीवंत पाणीसाठा ६६.७२ दशलक्ष घनमीटर आहे. धरणाची एकूण साठवण क्षमता १०२.७३ दशलक्ष घनमीटर आहे.