कन्‍नडच्या दोन घटना : प्रेमाच्या जाळ्यात ओढून अल्पवयीन मुलीसोबत अश्लील कृत्‍य; तरुणाला अटक; भाजीमंडीत महिलेला शरीरसुखाची मागणी, एकाविरुद्ध गुन्हा दाखल

कन्‍नड (सीएससीएन वृत्तसेवा) : प्रेमाच्या जाळ्यात ओढून अल्पवयीन मुलीसोबत अश्लील चाळे करणाऱ्या तरुणाविरुद्ध कन्‍नड शहर पोलिसांनी गुन्हा दाखल करत त्‍याला बुधवारी (४ सप्‍टेंबर) अटक केली आहे.

विकास नारायण सवई (रा. कनकावतीनगर, कन्‍नड) असे संशयित तरुणाचे नाव आहे. गेल्या २३ एप्रिलला विकासने पीडित मुलीला प्रेमाच्या जाळ्यात ओढून अश्लील चाळे केले होते. त्यावेळी पोलीस ठाण्यात प्राथमिक तक्रार दाखल होऊन प्रकरण आपसात मिटवण्यात आले होते. मात्र, त्यानंतरही विकास तिला वारंवार त्रास देत होता. प्रेमासाठी जीवे मारण्याची धमकी देत होता. त्‍यामुळे मुलीच्या वडिलांनी जिल्हा सत्र न्यायालयात तक्रार केली. न्यायालयाने कन्‍नड शहर पोलिसांना कारवाईचे आदेश दिले. शहर पोलिसांनी पोक्सो अंतर्गत गुन्हा दाखल करून विकासला अटक केली आहे.

शारीरिक संबंध ठेवत म्‍हणत छेड
दुसऱ्या घटनेत कन्‍नड शहरातील भाजीमंडीत भाजीपाला घेण्यासाठी आलेल्या महिलेकडे मंगळवारी (३ सप्‍टेंबर) सायंकाळी साडेपाचच्या सुमारास अलताफ चाँद शेख (रा. साखर कारखाना, कन्नड) याने शारीरिक सुखाची मागणी केली. तू माझ्याशी शारीरिक संबंध ठेव. तू जर माझ्याशी संबंध ठेवले नाहीतर तुझ्या मुलासह तुझ्या घरच्यांना जीवंत ठेवणार नाही, अशी धमकी त्याने दिल्याची तक्रार महिलेने कन्‍नड शहर पोलीस ठाण्यात बुधवारी (४ सप्‍टेंबर) केली. त्यावरून पोलिसांनी गुन्हा दाखल केला आहे.