Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post
छत्रपती संभाजीनगर (सीएससीएन वृत्तसेवा) : गौरी गणपती उत्सवानिमित्त सार्वजनिक वितरण व्यवस्थेमार्फत वितरीत करावयाचा ‘आनंदाचा शिधा’चे शिधा अद्याप पूर्ण प्राप्त नसल्याने त्याचे वितरण होत नसून पूर्ण शिधासंच प्राप्त होताच वितरण सुरू करण्यात येईल,असे जिल्हा पुरवठा अधिकारी प्रवीण फुलारी यांनी कळविले आहे. याबाबत प्रसिद्धीस दिलेल्या पत्रकात म्हटले आहे, की राज्यातील सार्वजनिक वितरण व्यवस्थ अंतर्गत पात्र शिधापत्रिकाधारकांना गौरी […]
छत्रपती संभाजीनगर (सीएससीएन वृत्तसेवा) : गौरी गणपती उत्सवानिमित्त सार्वजनिक वितरण व्यवस्थेमार्फत वितरीत करावयाचा ‘आनंदाचा शिधा’चे शिधा अद्याप पूर्ण प्राप्त नसल्याने त्याचे वितरण होत नसून पूर्ण शिधासंच प्राप्त होताच वितरण सुरू करण्यात येईल,असे जिल्हा पुरवठा अधिकारी प्रवीण फुलारी यांनी कळविले आहे.
याबाबत प्रसिद्धीस दिलेल्या पत्रकात म्हटले आहे, की राज्यातील सार्वजनिक वितरण व्यवस्थ अंतर्गत पात्र शिधापत्रिकाधारकांना गौरी गणपती उत्सवानिमित्त १ किलो साखर, १ लिटर खाद्यतेल, चणाडाळ १ किलो, रवा १ किलो हे चार जिन्नस समाविष्ट असलेला ‘आनंदाचा शिधा’ वितरीत करण्याबाबत निर्णय घेण्यात आला आहे. छत्रपती संभाजीनगर जिल्ह्यासाठी गौरी गणपती उत्सवानिमित्त मंजूर शिधाजिन्नस संच नियतनापैकी २५ टक्के शिधा संच अद्यापपर्यंत शासन नियुक्त कंत्राटदारामार्फत प्राप्त झाला आहे. उर्वरित शिधा संच प्राप्त होताच वितरण करण्यात येईल. याबाबत जिल्हा पुरवठा कार्यालयामार्फत संबंधित कंत्राटदार यांच्याशी वारंवार संपर्क साधण्यात येत आहे. आनंदाचा शिधा सर्व संच प्राप्त होताच रास्तभाव दुकानदार यांच्यामार्फत पात्र लाभार्थ्यांना सत्वर वाटप करण्यात येईल, असे जिल्हा पुरवठा अधिकारी प्रवीण फुलारी यांनी कळविले आहे.
.jpeg)
.jpg)
