आता छत्रपती संभाजीनगर ५२ नाही, ५४ दरवाजांचे शहर होण्याच्या मार्गावर!, पुणे अन्‌ नाशिक मार्गावर उभारले जाणार आकर्षक आधुनिक दोन दरवाजे

By City News Desk

On 03 Oct 2024

"छत्रपती संभाजीनगर सिटी न्यूज' वेबसाईटवर प्रसिद्ध होणारा मजकूर, छायाचित्रे 'मेट्रोपोलिस पोस्ट' वृत्तपत्राच्या परवानगीशिवाय पूर्णतः किंवा अंशतः कॉपी करण्यास सक्त मनाई आहे. असे करताना कुणीही आढळल्यास कोणतीही वेगळी नोटीस न देता कायदेशीर कारवाई केली जाईल याची नोंद घ्यावी. - संपादक, मेट्रोपोलिस पोस्ट वृत्तपत्र

छत्रपती संभाजीनगर (सीएससीएन वृत्तसेवा) : ऐतिहासिक ५२ दरवाजांचे शहर म्‍हणून छत्रपती संभाजीनगरची ओळख आहे. आता आणखी दोन दरवाजांची भर शहरात पडणार असून पुणे तसेच नाशिक मार्गावर नवीन डिझाइनचे दोन दरवाजे उभारले जाणार आहेत. यासाठी आर्किटेक्ट महेश साळुंके यांचे डिझाइन निवडल्याची माहिती पत्रकार परिषदेत आर्किटेक्ट महेश साळुंके यांनी दिली. महापालिकेने गेट डिझाइन स्पर्धा घेतली होती. आर्किटेक्ट […]

छत्रपती संभाजीनगर (सीएससीएन वृत्तसेवा) : ऐतिहासिक ५२ दरवाजांचे शहर म्‍हणून छत्रपती संभाजीनगरची ओळख आहे. आता आणखी दोन दरवाजांची भर शहरात पडणार असून पुणे तसेच नाशिक मार्गावर नवीन डिझाइनचे दोन दरवाजे उभारले जाणार आहेत. यासाठी आर्किटेक्ट महेश साळुंके यांचे डिझाइन निवडल्याची माहिती पत्रकार परिषदेत आर्किटेक्ट महेश साळुंके यांनी दिली.

महापालिकेने गेट डिझाइन स्पर्धा घेतली होती. आर्किटेक्ट महेश साळुंके यांच्या दोन गेटला प्रत्येकी १ लाख रुपयांचा पुरस्कार मिळाला. साळुंके यांनी सांगितले, की दौलताबाद गेटच्या धर्तीवर नाशिक रोडच्या दोन्ही बाजूंनी ९ बाय ३० फूट उंचीची नक्षीदार कमानी उभारले जाईल. यासाठी दीड कोटीचा खर्च लागेल. पुणे मार्गावर पैठण गेटप्रमाणे मात्र आधुनिक स्वरुपात ८ बाय ८० फूट उंचीचे गेट असणार आहे. यासाठी सव्वातीन कोटींचा खर्च लागणार आहे. अडीचशे वर्षे टिकेल अशा पद्धतीने गेट उभारले जाणार आहे. काही मंजुरी मिळाल्यानंतर प्रत्येक गेट वर्षभरात पूर्ण होईल, असेही त्यांनी सांगितले. या वेळी स्ट्रक्चरल डिझायनर रवींद्र बनसोडे यांची उपस्थिती होती.