Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post
छत्रपती संभाजीनगर (मेट्रोपोलिस पोस्ट वृत्तपत्राच्या सौजन्याने) : वाळूज एमआयडीसी परिसरात आणखी एक धावती कार पेटल्याची घटना समोर आली आहे. सोमवारी (२७ ऑक्टोबर) रात्री उशिरा सोलापूर-धुळे हायवेवरून वाळूजकडे जाण्यासाठी उतरणारी कार पेटली होती. त्यानंतर बुधवारी (२९ ऑक्टोबर) मध्यरात्री दिल्लीहून कर्नाटककडे जाणारी कार (क्र. एमएच ०१ बीवाय ४३८६) अचानक पेटली. ही घटना करोडी येथील खवड्या डोंगराजवळ घडली.
चालक आदित्य राऊत कारने प्रवास करत असताना अचानक बोनेटमधून धूर निघत असल्याचे लक्षात आले. त्यांनी तत्काळ सतर्क होत कार रस्त्याच्या कडेला घेतली. त्यानंतर कारच्या इंजिनने पेट घेतला. घटनेची माहिती मिळताच बजाजनगर येथील अग्निशमन दलाचे उपअग्निशमन अधिकारी अनिल देशमुख यांच्या मार्गदर्शनाखाली फायर लीडर के. टी. सूर्यवंशी, चालक ऑपरेटर सी. एस. पाटील, फायरमन एस. टी. मुळे, पी. एस. खाडे, पी. आर. नागरगोजे, एस. व्ही. दाभाडे यांनी घटनास्थळी धाव घेत काही मिनिटांतच आग आटोक्यात आणली. आगीत कारच्या इंजिनचे मोठे नुकसान झाले आहे. उपअग्निशमन अधिकारी अनिल देशमुख यांनी सांगितले, की आग शॉर्टसर्किटमुळे लागल्याचा प्राथमिक अंदाज आहे.
.jpeg)
