वाळूज एमआयडीसीत रोडरोमिओचा कहर : थेट मुलीच्या घरात घुसून जबरदस्तीचा प्रयत्न!

By City News Desk

On 17 Nov 2025

वाळूज एमआयडीसीत रोडरोमिओचा कहर : थेट मुलीच्या घरात घुसून जबरदस्तीचा प्रयत्न!

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

छत्रपती संभाजीनगर (मेट्रोपोलिस पोस्ट वृत्तसेवा) : सतत पाठलाग करून त्रास देणाऱ्या २६ वर्षीय तरुणाने १६ वर्षीय मुलीच्या थेट घरात घुसून तिच्यावर जबरदस्ती करण्याचा प्रयत्न केला. वेळीच तिचा भाऊ घरी धडकला. त्याने तरुणाला पळवून लावले. ही धक्कादायक घटना वाळूज एमआयडीसी परिसरातील तीसगाव भागात गुरुवारी (१३ नोव्हेंबर) सायंकाळी साडेपाचच्या सुमारास घडली.

अभिषेक दौलत कसुरे (रा. तीसगाव) असे संशयिताचे नाव आहे. मुलीच्या तक्रारीवरून वाळूज एमआयडीसी पोलिसांनी त्याच्याविरुद्ध गुन्हा दाखल केला आहे. तक्रारीनुसार, ६ महिन्यांपासून अभिषेक सतत मुलीचा पाठलाग करत असून, तिला लग्नाची मागणी घालत असतो. मुलीने घरी सांगितल्यानंतर तिच्या पालकांनी त्याला व त्याच्या कुटुंबीयांना समजावून सांगितले. मात्र तरीही त्याच्या वागण्यात काही फरक पडला नाही.

तो मुलीला कॉलेज परिसरात, वस्तीत वारंवार अडवून त्रास देत होता. गुरुवारी सायंकाळी त्याने हद्दच केली. मुलगी घरात स्वयंपाक करत होती. अभिषेक थेट तिच्या घरात घुसला. लग्नाला नकार का देतेस, असे म्हणून तिच्यासोबत अश्लील चाळे करत जबरदस्ती सुरू केली. त्याचवेळी मुलीचा भाऊ घरी धडकला. त्याने अभिषेकला बदडायला सुरुवात केली. त्यामुळे घाबरून अभिषेक घरातून पळून गेला. अधिक तपास वाळूज एमआयडीसी पोलीस करत आहेत.