छत्रपती संभाजीनगर (सीएससीएन वृत्तसेवा) : शहरात मोकाट कुत्र्यांची दहशत वाढली आहे. मोकाट कुत्र्याने चावे घेतलेल्या रुग्णांची संख्या घाटी रुग्णालयातही वाढत आहे. मात्र मोकाट कुत्र्यांचा बंदोबस्त करण्यात महापालिका कमी पडत आहे. अशा स्थितीत आता नागरिकही मोकाट कुत्र्यांना ठार मारत असल्याचे समोर येत आहे. सोमवारी (४ ऑगस्ट) येणाऱ्या जाणाऱ्यांना चावणाऱ्या २-३ कुत्र्यांपैकी एका कुत्र्याला नागरिकांनी ठार केले. या प्रकरणात एका प्राणीमित्राने सिटी चौक पोलीस ठाण्यात तक्रार दिल्याने पोलिसांनी कुत्र्याला मारणाऱ्या लोकांविरुद्ध मंगळवारी (५ ऑगस्ट) गुन्हा दाखल केला आहे.
अक्षय सरवयै राजपूत (वय ३०, रा.बसयैनगर ॲपेक्स हॉस्पिटलजवळ) यांनी या प्रकरणात तक्रार दिली आहे. ते भटक्या कुत्र्यासाठी काम करणाऱ्या आपला NGO या संस्थेत काम करतात. ही संस्था भटक्या कुत्र्यांसाठी खाऊ घालणे, जखमी असल्यास उपचार करणे अशी कामे करते. सोमवारी रात्री १० ला त्यांच्या मित्राने त्यांना कॉल करून सांगितले, की मोतीकारंजा येथील नोबल एंटरप्रायजेसजवळ एक कुत्रा मरण पावलेल्या अवस्थेत पडलेला आहे.
त्‍यामुळे अक्षय आणि आपला NGO संस्थेच्या श्रीमती बेरील साँचिस या रात्री साडेदहाला मोतीकारंजा येथे आले. तेथे काही लोक जमा झालेले होते. त्यांना विचारपूस केली असता त्‍यांनी सांगितले, की दोन- तीन कुत्रे येणाऱ्या जाणाऱ्या लोकांना चावत होते. त्यापैकी एका कुत्र्याला चार-पाच जणांनी मारले. ते कोण होते आम्हाला माहीत नाही. अक्षयच्या तक्रारीवरून अनोळखी लोकांविरुद्ध गुन्हा दाखल करण्यात आला असून, अधिक तपास पोलीस अंमलदार भाऊराव गायके करत आहेत.
.jpg)
.jpg)
.jpg)
.jpg)
.jpg)
2.jpg)
.jpg)
.jpg)
.jpg)
