अंधारात लपून बसला, पोलिसांना पाहताच पळू लागला... शहागंजमध्ये तरुणाला पकडले!

By City News Desk

On 14 Nov 2025

अंधारात लपून बसला, पोलिसांना पाहताच पळू लागला... शहागंजमध्ये तरुणाला पकडले!

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

छत्रपती संभाजीनगर (मेट्रोपोलिस पोस्ट वृत्तपत्राच्या सौजन्याने) : अंधारात लपून बसलेला तरुण पोलिसांना पाहून पळू लागल्याने त्याला सिटी चौक पोलिसांनी पाठलाग करून पकडले. त्याच्याविरुद्ध गुन्हा दाखल केला आहे. चोरी किंवा घरफोडीच्या उद्देशाने त्याच्या संशयास्पद हालचाली दिसून आल्याचे पोलिसांचे म्हणणे आहे. गुरुवारी (१३ नोव्‍हेंबर) रात्री पावणेनऊला ही कारवाई करण्यात आली.

अरबाज खान मोहम्मद खान (वय २४, रा. चाऊस कॉलनी, हिमायतनगर, छत्रपती संभाजीनगर) असे संशयिताचे नाव असून, त्याच्याविरुद्ध विशेष तपास पथकातील पोलीस अंमलदार मनोहर त्रिभुवन यांच्या तक्रारीवरून गुन्हा दाखल करण्यात आला आहे. सहायक फौजदार मुनिर पठाण, पोलीस अंमलदार प्रविण टेकले आणि मनोहर त्रिभुवन हे सिटी चौक पोलीस ठाण्याच्या हद्दीत गस्त घालत होते. शहागंजच्या गांधी पुतळ्याजवळ आले असता रात्री पावणेनऊच्या सुमारास अरबाज हा गांधी पुतळ्यामागे दुकान बंद असलेल्या शटरजवळ अंधारात संशयितरित्या हालचाली करताना दिसला. संशय आल्याने पोलिसांनी गाड्या थांबवून त्याच्याकडे धाव घेतली असता तो पळून जाऊ लागला. पाठलाग करून पोलिसांनी त्याला पकडले. त्याने पोलिसांना उडवाउडवीची उत्तरे दिले. अधिक तपास पोलीस अंमलदार ज्ञानेश्वर फुके करत आहेत.