मैत्रिणीसोबत जेवायला जाते म्हणाली... १७ वर्षीय मुलीचे तरुणाने केले अपहरण, रांजणगाव शेणपुंजी येथील घटना

By City News Desk

On 06 Oct 2025

मैत्रिणीसोबत जेवायला जाते म्हणाली... १७ वर्षीय मुलीचे तरुणाने केले अपहरण, रांजणगाव शेणपुंजी येथील घटना

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

छत्रपती संभाजीनगर (मेट्रोपोलिस पोस्ट वृत्तसेवा) : मैत्रिणीला पैसे मिळाले असून, आम्‍ही दोघी बाहेर जेवणासाठी जात आहोत, असे सांगून घरातून बाहेर पडलेल्या १७ वर्षीय मुलीचे अपहरण झाले आहे. मुलीच्या आईने वाळूज एमआयडीसी पोलीस ठाण्यात तक्रार दिली असून, बातमीसोबत छायाचित्रात दिसत असलेल्या मुलीला कुणी कुठे पाहिल्यास वाळूज एमआयडीसी पोलिसांशी (मो. ९८१८९५१११९) संपर्क करावा, असे आवाहन करण्यात आले आहे. मुलीच्या आईने एका तरुणावर संशय व्यक्‍त केला आहे.

मुस्कान राजू गुप्ता (वय १७, रा. गांधीनगर, भीमचौक, रांजणगाव शेणपुंजी) असे अपहरण झालेल्या मुलीचे नाव आहे. तिची आई गिता (वय४५) यांनी पोलिसांत तक्रार दिली आहे. त्‍या मूळच्या उत्तरप्रदेशच्या आहेत. त्‍यांचे पती खासगी कंपनीत काम करतात. १७ सप्‍टेंबर रोजी सायंकाळी साडेतीनच्या सुमारास मुस्कान घरातून बाहेर पडली. त्यानंतर परतलेली नाही. त्‍या दिवसापासून तिचा मोबाइलही बंद येत आहे. रंग गोरा, उंची ५ फूट, केस काळे असे तिचे वर्णन आहे. मुलीच्या आईने बंटी उर्फ पम्मी याच्यावर संशय व्यक्‍त केला आहे. पोलिसांनी दोघांचाही शोध सुरू केला आहे.