हर्सूल सावंगीत जुगार अड्ड्यावर छापा, १६ जुगारी पकडले, १४ लाखांचा माल जप्त

छत्रपती संभाजीनगर (मेट्रोपोलिस पोस्ट वृत्तपत्राच्या सौजन्याने) :  हर्सूलजवळील सावंगी शिवारातील (ता. छत्रपती संभाजीनगर) जुगार अड्ड्यावर छापा मारून ग्रामीण पोलिसांच्या स्थानिक गुन्हे शाखेने १६ जुगारी पकडले. ही कारवाई सोमवारी (२७ ऑक्‍टोबर) रात्री साडेअकराच्या सुमारास करण्यात आली.

पोलीस निरीक्षक विजयसिंह राजपूत यांना गोपनीय माहिती मिळाली की, फुलंब्री पोलीस ठाण्याच्या हद्दीत तुळजापूर-सावंगी शिवारातील हॉटेल श्रावणीमागील शेतात पत्र्याचे शेडमध्ये काही जण पैसे लावून तिर्रट नावाचा जुगार खेळत आहेत. स्थानिक गुन्हे शाखेच्या पथकाने अचानक जाऊन छापा मारला. जुगाऱ्यांची पळापळ सुरू झाली. पोलिसांनी सर्वांना पकडले. त्यांच्याकडून जुगाराचे साहित्य, रोख रक्कम, मोबाइल, मोटारसायकल, कार असा एकूण १० लाख ८४० रुपयांचा मुद्देमाल जप्त केला आहे.

ही कामगिरी पोलीस अधीक्षक डॉ. विनयकुमार राठोड, अप्पर पोलीस अधीक्षक श्रीमती अन्नपूर्णा सिंह, उपविभागीय पोलीस अधिकारी श्रीमती पूजा नांगरे यांच्या मार्गदर्शनाखाली स्थानिक गुन्हे शाखेचे पोलीस निरीक्षक विजयसिंह राजपूत, सहायक पोलीस निरीक्षक पवन इंगळे, भागीनाथ वाघ, पोलीस अंमलदार दीपक सुरोशे, संतोष पाटील, संतोष डोंगरे, सनी खरात, आनंद घाटेश्वर, अनिल काळे, महेश बिरुटे, चालक पोलीस अंमलदार संजय तांदळे यांनी केली.
हे आहेत पकडलेले जुगारी...
किरण ईश्वर लाहोट (वय ४०, रा. हर्षनगर, छत्रपती संभाजीनगर), विजय तोताराम गडवे (वय ४५, रा. हर्षनगर, छत्रपती संभाजीनगर), युवराज लहुराव सिरसाठ (वय ३७, रा. अंबरहील, छत्रपती संभाजीनगर), शाहरुख इब्राहीम शहा (वय ३१, रा. सावंगी), योगेश भानुदास सिनगारे (वय ३५, रा. पिसादेवी, छत्रपती संभाजीनगर), दादासाहेब सुखदेव म्हस्के (वय ४२, रा. सावंगी), अरुण सारंगधर सेवलकर (वय ५२, रा. सावंगी), राहुल उर्फ ओम सोनाजी डोरले (वय ३२, रा. पिसादेवी), अविनाश अशोक दांडगे (वय ३३, रा. फुलेनगर हर्सूल), राहुल त्रिंबक हिवराळे (वय ४५, रा. हर्षनगर लेबर कॉलनी छत्रपती संभाजीनगर), अप्पाराव शंकर गायकवाड (वय ४०, रा. पिसादेवी), पवन सुखदेव म्हस्के (वय ३३ रा. सावंगी), कलीम इमाम शहा (वय ४२ रा. नरसिंगपुरा), तौसीफ खान शब्बीर खान (वय २८, रा. मिसारवाडी गल्ली नं. ६), जावेद सुलेमान सय्यद (वय ३५, रा. नायगाव), संजय ज्ञानदेव चक्कर (वय ३८, रा. मांडकी ह. मु. पिसादेवी).