छत्रपती संभाजीनगर (मेट्रोपोलिस पोस्ट वृत्तसेवा) : समोर धावणाऱ्या आयशर वाहनाने अचानक ब्रेक मारल्याने किराणा माल घेऊन जाणारे मालवाहू वाहनातील चालक-क्लिनर दोघेही गंभीर जखमी झाले. हा अपघात आज, २४ डिसेंबरला सायंकाळी पाचच्या सुमारास घडला.
चालक नावेद खान (वय ३८, रा. वाळूज) व क्लिनर जुनैद वाजीद शेख (वय १७ रा. वाळूज) अशी जखमींची नावे आहेत. ते पंढरपूरवरून किराणा माल घेऊन वाळूजकडे येत होते. बकवालनगर ते वाळूज दरम्यान समोर धावणाऱ्या आयशर वाहनाने अचानक ब्रेक मारले. त्यामुळे खान यांचे मालवाहू वाहन त्याला मागून धडकले. अपघात होताच समोरील आयशर पळून गेले. मालवाहू वाहनाची चालक केबीन पूर्णपणे क्षतीग्रस्त झाली. त्यात चालक खान केबीनमध्ये अडकून पडला. त्याचे दोन्ही पाय फ्रॅक्चर झाल्याची माहिती सूत्रांनी दिली. वाळूज येथील खासगी रुग्णालयात त्याला उपचारासाठी दाखल केले आहे. अपघातामुळे अर्धा तास वाहतूक कोंडी झाली होती. वाहतूक पोलिसांनी क्रेन मागवून अपघातग्रस्त मालवाहू वाहन बाजूला करून वाहतूक सुरळीत केली. या वेळी वाहतूक शाखेचे पोलीस हवालदार गोपाल पुरभे, पोलीस हवालदार अरुण फोलाने, मच्छिंद्र जाधव आदींनी परिश्रम घेतले.आणखी महत्त्वाच्या बातम्या
.jpg)
.jpg)
Latest News
22 Jan 2026 19:36:00
छत्रपती संभाजीनगर (मेट्रोपोलिस पोस्ट वृत्तसेवा) : पटेलनगरमध्ये महावितरणच्या पथकावर ५ ते ६ लोकांनी हल्ला करत त्यांच्याकडील वीज मीटर हिसकावून घेतल्याची...
