गोमटेश मार्केटमध्ये भल्ला चाट भंडारसमोर तरुणांमध्ये हाणामारी!

By City News Desk

On 09 Nov 2025

गोमटेश मार्केटमध्ये भल्ला चाट भंडारसमोर तरुणांमध्ये हाणामारी!

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

छत्रपती संभाजीनगर (मेट्रोपोलिस पोस्ट वृत्तपत्राच्या सौजन्याने) : गोमटेश मार्केटमधील भल्ला चाट भंडारसमोर दोन तरुणांमध्ये हाणामारी झाली. यात एक जण जखमी झाला आहे. त्याच्या तक्रारीवरून क्रांती चौक पोलिसांनी दुसऱ्या तरुणाविरुद्ध गुन्हा दाखल केला आहे. ही घटना गुरुवारी (६ नोव्हेंबर) रात्री साडेनऊच्या सुमारास घडली.

तुषार सुभाष व्यवहारे (वय २५, रा. भगवती कॉलनी गणपती मंदिरासमोर, जवाहर कॉलनी परिसर) या तरुणाने या प्रकरणात तक्रार दिली आहे. तो आईसोबत राहतो. SSD गिफ्ट शॉपी गोमटेश मार्केट येथे काम करतो. भल्ला चाट भंडारसमोर तुषार व त्याचा मित्र निसार उभे होते. तुषारला उमीस शेख नावाचा ओळखीचा मुलगा भेटायला आला. त्याने तुषारला बोलावले. मात्र तुषार गेला नाही. त्यामुळे उमीस त्याच्याकडे आला. भेटायला का आला नाही, असे म्हणून त्याला शिवीगाळ करून लाथाबुक्क्यांनी मारहाण केली. तिथे बाजूला पडलेला दगड हातात घेऊन त्याच्या डोक्यात मध्यभागी मारून जखमी केले. भांडणामुळे जमलेल्या लोकांनी सोडवासोडव केली. तुषारने निसारच्या दुचाकीवर बसवून क्रांती चौक पोलीस ठाणे गाठले आणि तक्रार दिली. पोलिसांनी उमीसविरुद्ध गुन्हा दाखल केला आहे. अधिक तपास पोलीस अंमलदार बाळू जाधव करत आहेत.