छत्रपती संभाजीनगरात इंजिनिअरिंगच्या विद्यार्थिनीवर प्रियकराकडून वारंवार लैंगिक अत्‍याचार!, महिन्यातून दोनदा लॉजवर न्यायचा...

By City News Desk

On 04 Nov 2025

छत्रपती संभाजीनगरात इंजिनिअरिंगच्या विद्यार्थिनीवर प्रियकराकडून वारंवार लैंगिक अत्‍याचार!, महिन्यातून दोनदा लॉजवर न्यायचा...

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

छत्रपती संभाजीनगर (मेट्रोपोलिस पोस्ट वृत्तपत्राच्या सौजन्याने) : अभियांत्रिकीचे शिक्षण घेणाऱ्या २३ वर्षीय तरुणीवर २८ वर्षीय तरुणाने लग्नाचे आमिष दाखवून गेली ३ वर्षे वारंवार बलात्कार केल्याची धक्कादायक घटना छत्रपती संभाजीनगरमध्ये समोर आली आहे. तरुणीच्या तक्रारीवरून क्रांती चौक पोलिसांनी संशयित मनोहर लिंबाजी चव्हाण (रा. गंगाखेड, जि. परभणी) याच्याविरुद्ध गुन्हा दाखल केला. सोमवारी (३ नोव्हेंबर) त्याला अटक करून न्यायालयात हजर केले असता ५ नोव्हेंबरपर्यंत पोलीस कोठडीत ठेवण्याचे आदेश मुख्य न्यायदंडाधिकारी आर. एस. जांबोटकर यांनी दिले.

पीडित तरुणी छत्रपती संभाजीनगर शहरात अभियांत्रिकीचे शिक्षण घेते. २०१९ मध्ये तिची मनोहरसोबत एका लग्नात ओळख झाली. ओळखीतून मैत्री होऊन मैत्रीचे रुपांतर प्रेमात झाले. मनोहर तिला लग्नाचे आमिष दाखवून मिल कॉर्नर, औरंगपुरा, रेल्वेस्टेशन भागातील लॉजवर तिला नेऊ लागला. तिथे तिच्यासोबत शारीरिक संबंध प्रस्थापित करत होता. महिन्यातून तो तिला दोनदा भेटायला यायचा आणि लॉजवर नेऊन उपभोग घेत होता. जुलै २०२५ नंतर मात्र त्याने तरुणीसोबत ब्रेकअप करत लग्नास नकार दिला. तरुणीने त्याला समजावण्याचा प्रयत्न केला. मात्र, उलट त्याने जीवे मारण्याच्या धमक्या दिल्या. तरुणी त्याच्या घरी गेली असता तिच्या नातेवाइकांनीही तिला मारहाण केली. त्यामुळे संतप्त तरुणीने गंगाखेड पोलीस ठाण्यात तक्रार केली. गंगाखेड पोलिसांनी मनोहरविरुद्ध गुन्हा दाखल करून बलात्काराची घटना छत्रपती संभाजीनगर शहरात घडल्याने क्रांती चौक पोलिसांकडे वर्ग केली. अधिक तपास क्रांती चौक पोलीस करत आहेत.