हालचलाखीने एटीएमची अदलाबदल करून कामगाराला गंडा!; सुतगिरणी चौकातील घटना

By City News Desk

On 01 Oct 2025

हालचलाखीने एटीएमची अदलाबदल करून कामगाराला गंडा!; सुतगिरणी चौकातील घटना

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

छत्रपती संभाजीनगर (मेट्रोपोलिस पोस्ट वृत्तपत्राच्या सौजन्याने) : हालचलाखीने एटीएमची अदलाबदल करून भामट्याने गवंडी कामगाराला चांगलाच दणका दिला. त्‍याच्या खात्‍यातून १९ हजार रुपये काढून घेतले. ही घटना सुतगिरणी चौकातील एसबीआयच्या एटीएम केंद्रात घडली. सोमवारी (२९ सप्‍टेंबर) जवाहरनगर पोलिसांनी भामट्याविरुद्ध गुन्हा दाखल केला आहे.

छगन प्रभाकर गायकवाड (वय ३२, रा. काबरानगर गारखेडा परिसर) यांनी या प्रकरणात तक्रार दिली आहे. ते गवंडीकाम करतात. शुक्रवारी (२६ सप्टेंबर) दुपारी एकच्या सुमारास ते सुतगिरणी चौकातील SBI बँकेच्या ATM मध्ये पत्नी सुमित्रा यांच्या बँक खात्यातून पैसे काढण्यासाठी आले. एटीएममधून पैसे काढता येत नसल्यामुळे एका अनोळखी व्यक्तीने त्यांचे ATM घेतले. दोन वेळेस १० -१० हजार रुपये काढून दिले. नंतर नकळत हातचालाखीने दुसरेच एटीएम कार्ड गायकवाड यांना देत अदलाबदली केली. नंतर शुक्रवारी संध्याकाळी सहापासून शनिवारी सकाळी ८ पर्यंत त्‍याने खात्‍यातून १९ हजार ५०० रुपये काढून घेतले. ही बाब लक्षात येताच गायकवाड यांनी जवाहरनगर पोलीस ठाण्यात धाव घेऊन तक्रार दिली. अधिक तपास पोलीस अंमलदार हिरा आघाडे करत आहेत.