Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post
छत्रपती संभाजीनगर (मेट्रोपोलिस पोस्ट वृत्तसेवा) : नांदायला येत नसल्याच्या कारणावरून पती, दीर आणि जाऊने मिळून ३२ वर्षीय विवाहितेला तिच्या माहेरी येऊन बेदम मारहाण केली. ही घटना रांजणगाव शेणपुंजी येथे रविवारी (३० नोव्हेंबर) सायंकाळी पाचच्या सुमारास घडली. वाळूज एमआयडीसी पोलिसांनी तिघांविरुद्ध गुन्हा दाखल केला आहे.
रुपाली मच्छिंद्र उदमले (वय ३२, रा. पवननगर रांजणगाव शेणपुंजी) यांनी या प्रकरणात तक्रार दिली आहे. त्या वडील मच्छिंद्र भिकाजी उदमले, आई सुमन मच्छिंद्र उदमले व मुलासह राहतात. खासगी नोकरी करतात. रविवारी (३० नोव्हेंबर) सायंकाळी पाचच्या सुमारास त्या व त्यांची आई घरी असताना त्यांचा पती ज्ञानेश्वर धनाजी बोरुडे, जाऊ सुजाता तुकाराम बोरुडे, दीर तुकाराम धनाजी बोरुडे (सर्व रा. अशोकनगर, श्रीरामपूर ता. जि अहिल्यानगर) आले. त्यांनी नांदायला येत नसल्याच्या कारणारून रुपाली यांना शिवीगाळ करून हाताचापटांनी मारहाण केली. रुपाली यांच्या आई, वडिलांनाही मारहाण केली. दीर तुकारामने लाकडी बॅटने रुपाली यांच्या वडिलांना मारहाण केली. अधिक तपास पोलीस अंमलदार धीरजलाल काबलिये करत आहेत.
.jpeg)
.jpg)
