follow up : १९ वर्षीय तरुणाचा खून करणारे तिन्ही क्रूरकर्मे गजाआड!, हर्सूल भागातील भीमटेकडीवर घडवले होते क्रूर हत्याकांड

On
Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

छत्रपती संभाजीनगर (मेट्रोपोलिस पोस्ट वृत्तसेवा) : हर्सूल परिसरातील भीमटेकडीवर १९ वर्षीय तरुणाची निर्घृण हत्या करणाऱ्या ३ क्रूरकर्म्यांना अटक करण्यात हर्सूल पोलिसांना यश आले. त्यांचा चौथा साथीदार अद्याप फरारी आहे. हत्या करताना लोखंडी रॉडने अमानुष मारहाण करून पाय तोडल्यानंतर चाकूने सपासप वार करत कौर्याची परीसीमा गाठली होती. तरुणाने बुधवारी (७ जानेवारी) दुपारी दीडला घाटी रुग्णालयात शेवटचा श्वास घेतला होता. त्यानंतर हर्सूल पोलिसांनी चौघा मारेकऱ्यांविरुद्ध हत्येचा गुन्हा दाखल करून त्यांचा शोध सुरू केला होता.

अनिकेत अण्णा राऊत (वय १९, रा. मातोश्री जिजाऊ शाळेमागे, रमाईनगर, हर्सूल) असे हत्या झालेल्याचे नाव आहे. त्याचे वडील अण्णा रंगनाथ राऊत (वय ४०) यांनी हर्सूल पोलीस ठाण्यात ४ मारेकऱ्यांविरुद्ध तक्रार दिली होती. संकेत मोतीलाल गायकवाड (वय २४), विकास शेषराव वाघमारे (वय २१), आदित्य राजू आव्हाड (वय १८, सर्व रा. एकतानगर, हर्सूल परिसर) अशी मारेकऱ्यांची नावे असून, त्यांचा चौथा साथीदार मात्र अद्याप निष्पन्न झालेला नाही. तिन्ही मारेकऱ्यांना न्यायालयात हजर केले असता १३ जानेवारीपर्यंत पोलीस कोठडीत ठेवण्याचे आदेश न्यायालयाने दिले.

अनिकेतचे वडील अण्णा राऊत भाजीपाला विक्रीचा व्यवसाय करतात. दोन भावांमध्ये अनिकेत मोठा होता. सात ते आठ महिन्यांपासून एमजीएम हॉस्पिटलमध्ये खासगी नोकरी करत होता. २ जानेवारीला सकाळी आठच्या सुमारास अनिकेत जखमी अवस्थेत मकई गेट येथे पडलेला होता. त्याला नागरिकांनी घाटी रुग्णालयात दाखल केले. त्यावेळी त्याचे वडील अण्णा राऊत हे भाजीपाला खरेदी करण्यासाठी बाजार सावंगीला गेले होते. अनिकेत जखमी अवस्थेत आढळल्याचे कळताच त्यांनी पत्नी शीला आणि लहान मुलगा अभिषेक यांना घाटी रुग्णालयात पाठवले. सकाळी १० ला तेही घाटीत आले. अनिकेतच्या पाठीवर अमानुष मारहाण झाल्याच्या खुणा दिसल्या. खांद्यावर मागे डावे बाजूस टाके पडलेले दिसले. डावा पाय गुडघ्याखाली फ्रॅक्चर होता. अनिकेत इतका घाबरलेला होता, की तो काहीच सांगू शकत नव्हता.

दोघेजण बुलेटवर बसवून त्याला घेऊन गेले होते, एवढेच त्याने त्यावेळी वडिलांना सांगितले. त्याच दिवशी रात्री आठला हर्सूल पोलिसांनी त्याचा जबाब नोंदवला. जबाबात त्याने सांगितले, की २ जानेवारीला सकाळी साडेसहाच्या सुमारास रमाईनगर येथून एमजीएम रुग्णालयाकडे जाण्यासाठी तो पायी निघाला होता. पावणेसातला हरसिध्दी मंगल कार्यालयाजवळ रिक्षाची वाट पाहत असताना एक काळी बुलेट व एक मोटारसायकल आली. दोन्ही मोटारसायकलींवर चार अनोळखी व्यक्ती होते. त्यांनी अनिकेतला बळजबरीने बुलेटवर बसविले व भिमटेकडी येथे नेले. ते लाकडी दांड्याने डाव्या पायाच्या नळगीवर बेदम मारहाण करून गंभीर दुखापत केली.

पाठीवर काहीतरी धारदार वस्तूने मारून जखमी केले. नंतर मकई गेटजवळ आणून टाकले व मोटारसायकलस्वार पळून गेले. अनिकेतचा मोबाइलही घेऊन गेले. ३ जानेवारीला पोलिसांनी पोलीस आयुक्त कार्यालय आणि डीकेएमएम कॉलेज येथील सीसीटीव्ही फूटेज तपासले असता डीकेएमएम कॉलेजच्या  फूटेजमध्ये एका मोटारसायकलवर एक अनोळखी व्यक्ती ज्याने तोंडाला बांधलेले होते, तो अनिकेतला शर्ट व बनियन नसलेल्या अवस्थेत मागे बसवून मकबऱ्याकडे घेऊन जात असल्याचे दिसले. ४ जानेवारीला दुपारी १२ ला अण्णा राऊत हे अनिकेतजवळ असताना त्याने सांगितले, की एक टकला व्यक्ती होता, ज्याला इतर तिघे भैय्या म्हणत होते. हमारे आंटी को छेडता है क्या? असे म्हणून भैय्या नावाच्या व्यक्तीने लोखंडी रॉडने डाव्या पायावर मारले व इतर तिघांनी चाकूने तसेच हाताचापटांनी मारहाण केली. अनिकेतने मोबाइल फोन घेऊन त्यात इन्स्टाग्राम ओपन करून त्यावर दोन व्यक्तींचा फोटो दाखविला. त्यापैकी एकाचे नाव संकेत गायकवाड असे असल्याचे तसेच फोटोतील दुसऱ्या व्यक्तींची नावे माहीत नसल्याचे सांगितले. अधिक तपास पोलीस निरीक्षक स्वाती केदार करत आहेत. हत्येच्या वाढत्या घटनांमुळे शहरात खळबळ उडाली आहे.

आणखी महत्त्वाच्या बातम्या

कर्जबाजारीपणाला कंटाळून शेतकऱ्याने उचलले टोकाचे पाऊल, पैठण तालुक्यातील दुर्दैवी घटना, फुलंब्री तालुक्यात मजुराची आत्‍महत्‍या

Latest News

कर्जबाजारीपणाला कंटाळून शेतकऱ्याने उचलले टोकाचे पाऊल, पैठण तालुक्यातील दुर्दैवी घटना, फुलंब्री तालुक्यात मजुराची आत्‍महत्‍या कर्जबाजारीपणाला कंटाळून शेतकऱ्याने उचलले टोकाचे पाऊल, पैठण तालुक्यातील दुर्दैवी घटना, फुलंब्री तालुक्यात मजुराची आत्‍महत्‍या
पैठण (मेट्रोपोलिस पोस्ट वृत्तसेवा) : केकत जळगाव (ता. पैठण) येथील अल्पभूधारक शेतकरी भास्कर बाबुराव मगर (वय ३५) यांनी कर्जबाजारीपणाला कंटाळून...
प्रेम प्रकरणात मदत करत असल्याच्या संशयावरून तरुणावर लोखंडी रॉड, बेल्टने बेदम मारहाण, रोहिदासपुऱ्यातील घटना
दारूच्या नशेत मित्रानेच आवळला मित्राचा गळा!; खुनाचे गूढ २४ तासांत उकलले, बिडकीनजवळील पैठणखेड्याची घटना
Good News : शेंद्र्याजवळील जयपूर एमआयडीसीत महिंद्रा ॲण्ड महिंद्रा कंपनी १५० एकरवर साकारणार प्रकल्प!
बौद्ध समाजमंदिरावर चालवला जेसीबी!; पाडळसा उपसरपंचाचे कृत्य, गंगापूर तालुक्यातील खळबळजनक घटना
Copyright (c) Chhatrapati Sambhaji Nagar City News All Rights Reserved.
Powered By Vedanta Software