Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post
छत्रपती संभाजीनगर (मेट्रोपोलिस पोस्ट वृत्तसेवा) : भल्या सकाळी घरात घुसून रोकड, सोने-चांदीचा दागिने असा एकूण ८४ हजारांचा ऐवज घेऊन चोरटा पसार झाला. रविवारी (४ जानेवारी) सकाळी या घटनेने संजयनगरमध्ये एकच खळबळ उडाली.
शेख मोहसीन शेख शाहेद (वय २८, रा. संजयनगर) यांनी या प्रकरणात तक्रार दिली आहे. ते रफिक कुरेशी यांच्या घरात किरायाने राहतात. वेल्डींगचे काम करून कुटुंबाचा उदरनिर्वाह करतात. शनिवारी (३ जानेवारी) रात्री १० ला जेवण करून सर्व जण झोपले होते. रविवारी (४ जानेवारी) सकाळी आठला मोहसीन यांच्या वहिणी रिजवाना शेख या झोपेतून उठून वाड्यात गेल्या असता एक अनोळखी व्यक्ती हॉलमध्ये सामान अस्ताव्यस्त करताना दिसला.
रिजवाना यांनी आरडओरड केली असता तो व्यक्ती घरातून पळून गेला. त्याने अंगात काळे जॅकेट घातलेले होते. मजबूत बांधा होता. मोठी दाढी होती. त्याने घरातून दोन कपाटांतील ३९ हजार ९०० रुपये रोख, ३० हजार रुपयांचे सोन्याचे दागिने, १५ हजारांच्या चांदीच्या वस्तू असा एकूण ८४ हजार रुपयांचा ऐवज चोरून नेला. अधिक तपास पोलीस अंमलदार भागीनाथ आघाडे करत आहेत.
.jpeg)
