नववीत शिकणारी मुलगी मित्रासोबत साई टेकडीकडे जाताना दुचाकीवरून पडली, उजवी मांडी दोन ठिकाणी फ्रॅक्चर, गुप्तांगालाही गंभीर मार

By City News Desk

On 03 Feb 2026

नववीत शिकणारी मुलगी मित्रासोबत साई टेकडीकडे जाताना दुचाकीवरून पडली, उजवी मांडी दोन ठिकाणी फ्रॅक्चर, गुप्तांगालाही गंभीर मार

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

छत्रपती संभाजीनगर (मेट्रोपोलिस पोस्ट वृत्तसेवा) : नववीत शिकणारी मुलगी मित्रासोबत साई टेकडीकडे जात असताना दुचाकीवरून पडली आणि उजवी मांडी दोन ठिकाणी फ्रॅक्चर आणि गुप्तांगालाही मार लागून गंभीर जखमी झाली आहे. तिच्यावर सेव्हन हिल्स परिसरातील खासगी रुग्णालयात उपचार सुरू आहेत. ही घटना छत्रपती संभाजीनगर शहराजवळील गांधेली शिवारात घडली. चिकलठाणा पोलिसांनी मुलीच्या मित्राविरुद्ध शुक्रवारी (३० जानेवारी) गुन्हा दाखल केला आहे.

चिकलठाणा पोलीस ठाण्याच्या हद्दीत राहणाऱ्या मुलीच्या पित्‍याने या प्रकरणात पोलिसांत तक्रार दिली आहे. तक्रारीनुसार, त्यांची मुलगी २१ जानेवारीला दुपारी साडेबाराला शाळेतून घरी आली. मित्रासोबत त्याच्या दुचाकीवर बसून साई टेकडीकडे जात असताना गांधेली शिवारात मित्राने त्याच्या ताब्यातील गाडी जोरात चालवल्याने ती गाडीवरून पडली. मित्रानेच तिला पॅन्टागॉन हॉस्पिटलमध्ये दाखल केले. हॉस्पिटलमधून मुलीच्या पित्‍याला कळवल्यानंतर त्यांनी तातडीने हॉस्पिटलकडे धाव घेतली. त्यांनी पाहिले असता मुलगी गंभीर जखमी होती. त्यांनी मुलीला पुढील उपचारासाठी सेव्हन हिल्सजवळील खासगी रुग्णालयात दाखल केले. सध्या तिच्यावर उपचार सुरू आहेत. अधिक तपास पोलीस अंमलदार निवृत्ती मदने करत आहेत.