Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post
सिल्लोड (सीएससीएन वृत्तसेवा) : २२ वर्षीय विवाहित तरुणीने घरात गळफास घेऊन आत्महत्या केली. ही घटना सिल्लोड तालुक्यातील अंधारी येथे मंगळवारी (२ जुलै) सायंकाळी सहाला घडली. तिच्या आत्महत्येप्रकरणी सिल्लोड ग्रामीण पोलिस ठाण्यात पतीसह चार जणांविरोधात गुन्हा दाखल करण्यात आला आहे. सालिहा जुसा पटेल (रा. अंधारी) असे आत्महत्या केलेल्या विवाहितेचे नाव आहे. हुंड्यातील राहिलेले ५० हजार रुपये […]
सिल्लोड (सीएससीएन वृत्तसेवा) : २२ वर्षीय विवाहित तरुणीने घरात गळफास घेऊन आत्महत्या केली. ही घटना सिल्लोड तालुक्यातील अंधारी येथे मंगळवारी (२ जुलै) सायंकाळी सहाला घडली. तिच्या आत्महत्येप्रकरणी सिल्लोड ग्रामीण पोलिस ठाण्यात पतीसह चार जणांविरोधात गुन्हा दाखल करण्यात आला आहे. सालिहा जुसा पटेल (रा. अंधारी) असे आत्महत्या केलेल्या विवाहितेचे नाव आहे.
हुंड्यातील राहिलेले ५० हजार रुपये माहेरहून घेऊन ये यासाठी तिचा सासरी शारीरिक व मानसिक छळ केला जात होता, असा आरोप मुलीचे नातेवाइक कलिम इस्माईल पटेल (वय ४५ वर्षे, रा. कोटनांद्रावाडी) यांनी दिलेल्या तक्रारीत केला आहे. पती जुसा मुसा पटेल, सासरा मुसा यासीन पटेल, सासू शबाना मुसा पटेल, दीर आरबाज मुसा पटेल अशी गुन्हा दाखल झालेल्यांची नावे आहेत.
सालिहाचे लग्न २६ एप्रिल २०२३ रोजी जुसा मुसा पटेल याच्यासोबत झाले होते. काही महिने चांगले नांदविल्यानंतर हुंड्यातील राहिलेल्या पैशांसाठी पती व सासरच्या मंडळीने तिचा छळ करण्यास सुरुवात केली. मारहाण करून शिवीगाळ करणे, उपाशी ठेवणे, टोमणे मारणे असे प्रकार सुरू झाल्याने सालिहा त्रस्त झाली होती. छळ असह्य झाल्याने तिने घरातच गळफास घेऊन आत्महत्या केली, असे तक्रारीत म्हटले आहे.
.jpeg)
