मुकुंदवाडी रेल्वेस्थानकावर रिक्षाचालकाचा खून!

By City News Desk

On 16 Jul 2024

"छत्रपती संभाजीनगर सिटी न्यूज' वेबसाईटवर प्रसिद्ध होणारा मजकूर, छायाचित्रे 'मेट्रोपोलिस पोस्ट' वृत्तपत्राच्या परवानगीशिवाय पूर्णतः किंवा अंशतः कॉपी करण्यास सक्त मनाई आहे. असे करताना कुणीही आढळल्यास कोणतीही वेगळी नोटीस न देता कायदेशीर कारवाई केली जाईल याची नोंद घ्यावी. - संपादक, मेट्रोपोलिस पोस्ट वृत्तपत्र

छत्रपती संभाजीनगर (सीएससीएन वृत्तसेवा) : मुकुंदवाडी रेल्वेस्थानकावर किरकोळ वादातून रिक्षा चालकाची दगडाने ठेचून हत्या करण्यात आल्याने खळबळ उडाली आहे. सोमवारी (१५ जुलै) रात्री साडेआठला ही घटना घडली. गणेश अनिल मुळे (वय २६, रा. राजनगर) असे हत्‍या झालेल्याचे नाव आहे. विजय कागडा असे संशयिताचे नाव असून, तोही रिक्षाचालक आहे. गणेश विवाहित होता. सोमवारी सकाळी गणेशच्या भावाचे […]

छत्रपती संभाजीनगर (सीएससीएन वृत्तसेवा) : मुकुंदवाडी रेल्वेस्थानकावर किरकोळ वादातून रिक्षा चालकाची दगडाने ठेचून हत्या करण्यात आल्याने खळबळ उडाली आहे. सोमवारी (१५ जुलै) रात्री साडेआठला ही घटना घडली. गणेश अनिल मुळे (वय २६, रा. राजनगर) असे हत्‍या झालेल्याचे नाव आहे.

विजय कागडा असे संशयिताचे नाव असून, तोही रिक्षाचालक आहे. गणेश विवाहित होता. सोमवारी सकाळी गणेशच्या भावाचे मुकुंदवाडी रेल्वेस्थानकावर विजय कागडा याच्याशी वाद झाला होता. त्यावेळी भांडण मिटविण्यात अाले होते. रात्री आठला गणेश हा रेल्वेस्थानकाच्या गेट क्रमांक ५६ वर उभा होता. विजयने पुन्हा गणेशसोबत रिक्षा उभी करण्यावरून वाद घालायला सुरुवात केली. त्यांच्यात झटापट सुरू झाली. झटापट सुरू असतानाच विजयने गणेशला मारहाण सुरू केली. गणेश रस्त्यावर कोसळल्यावर विजयने दगड उचलून त्याच्या डोक्यात घातला. यात गणेशचा जागीच मृत्यू झाला. त्‍यानंतर विजयने पळ काढला. घटनेची माहिती कळतात मुकुंदवाडी पोलिस ठाण्याचे पोलीस निरीक्षक शिवाजी तावरे यांनी सहकाऱ्यांसह घटनास्थळी धाव घेतली. संशयिताचा शोध सुरू असल्याचे पोलिसांकडून सांगण्यात आले.