महिनाभरापासून पाठलाग, रोडरोमिओची हिंमत वाढून थेट तरुणीचा भररस्‍त्‍यात हात पकडला!, गारखेडा परिसरातील घटना

By City News Desk

On 27 Jul 2024

छत्रपती संभाजीनगर (सीएससीएन वृत्तसेवा) : महिनाभरापासून पाठलाग केल्यानंतरही तरुणीकडून कोणताही प्रतिसाद मिळत नसल्याने धाडस वाढलेल्या तरुणाने थेट तिला अडवून छेड काढली. अश्लील वर्तन केले. त्‍यामुळे तरुणीने घरी सांगितले. तिच्या आईने जाब विचारला असता जीवे मारण्याची धमकी दिली. तरुणीने पुंडलिकनगर पोलीस ठाण्यात तक्रार दिली. त्‍यावरून पाेलिसांनी तरुणाविरुद्ध गुन्हा दाखल केला आहे. शहाबाज जाकीर खान पिंजारे (वय […]

छत्रपती संभाजीनगर (सीएससीएन वृत्तसेवा) : महिनाभरापासून पाठलाग केल्यानंतरही तरुणीकडून कोणताही प्रतिसाद मिळत नसल्याने धाडस वाढलेल्या तरुणाने थेट तिला अडवून छेड काढली. अश्लील वर्तन केले. त्‍यामुळे तरुणीने घरी सांगितले. तिच्या आईने जाब विचारला असता जीवे मारण्याची धमकी दिली. तरुणीने पुंडलिकनगर पोलीस ठाण्यात तक्रार दिली. त्‍यावरून पाेलिसांनी तरुणाविरुद्ध गुन्हा दाखल केला आहे.

शहाबाज जाकीर खान पिंजारे (वय २३, रा. भारतनगर) असे या रोडरोमिओचे नाव आहे. तरुणी गारखेडा परिसरातील नवनाथनगर येथून कॉलेजला जात असताना पाठलाग करायचा. शुक्रवारी (२६ जून) सकाळी त्‍याने नवनाथनगरात तरुणीला गाठून हात धरला व अश्लील वर्तन केले. ही बाब तरुणीने आईला सांगितल्यावर तिच्या आईने त्‍याला जाब विचारला. तेव्हा त्‍याने मोबाइलवर तिच्या आईला जीवे मारण्याची धमकी दिली. पुंडलिकनगर पोलिसांनी शहाबाजविरुद्ध गुन्हा दाखल केला आहे. अधिक तपास केला जात आहे.