पुन्हा तृतीयपंथीयांविरुद्ध कारवाई; ए एस क्लब ब्रिजखाली रोडवर लाली अन्‌ गुंजनला पोलिसांनी घेतले ताब्‍यात!

By City News Desk

On 04 Sep 2024

"छत्रपती संभाजीनगर सिटी न्यूज' वेबसाईटवर प्रसिद्ध होणारा मजकूर, छायाचित्रे 'मेट्रोपोलिस पोस्ट' वृत्तपत्राच्या परवानगीशिवाय पूर्णतः किंवा अंशतः कॉपी करण्यास सक्त मनाई आहे. असे करताना कुणीही आढळल्यास कोणतीही वेगळी नोटीस न देता कायदेशीर कारवाई केली जाईल याची नोंद घ्यावी. - संपादक, मेट्रोपोलिस पोस्ट वृत्तपत्र

छत्रपती संभाजीनगर (सीएससीएन वृत्तसेवा) : गेल्या महिन्यात शहर पोलिसांनी तृतीयपंथीयांविरुद्ध केलेल्या कारवाईमुळे खळबळ उडाली होती. लोकांना त्रास देणाऱ्या तृतीयपंथीयांविरुद्ध कारवाई केली जाईल, असे पोलीस आयुक्‍तांनी बजावले होते. त्यानंतरही काही तृतीयपंथीयांकडून सुधारणा घडलेली नाही. दोन तृतीयपंथीयांनी ए एस क्लब ब्रिजखाली रोडवर वाहनधारकांना पैशांसाठी त्रास देणे सुरू केल्याने वाळूज एमआयडीसी पोलिसांनी त्यांना ताब्‍यात घेत गुन्हे दाखल केले […]

छत्रपती संभाजीनगर (सीएससीएन वृत्तसेवा) : गेल्या महिन्यात शहर पोलिसांनी तृतीयपंथीयांविरुद्ध केलेल्या कारवाईमुळे खळबळ उडाली होती. लोकांना त्रास देणाऱ्या तृतीयपंथीयांविरुद्ध कारवाई केली जाईल, असे पोलीस आयुक्‍तांनी बजावले होते. त्यानंतरही काही तृतीयपंथीयांकडून सुधारणा घडलेली नाही. दोन तृतीयपंथीयांनी ए एस क्लब ब्रिजखाली रोडवर वाहनधारकांना पैशांसाठी त्रास देणे सुरू केल्याने वाळूज एमआयडीसी पोलिसांनी त्यांना ताब्‍यात घेत गुन्हे दाखल केले आहेत. ही कारवाई मंगळवारी (३ सप्‍टेंबर) सकाळी ११ ला करण्यात आली.

विलास किसन शिंदे ऊर्फ लाली सुहाना शेख (वय २९, रा. पवननगर, रांजणगाव शेणपुंजी), गजानन संतोष लोखंडे उर्फ गुंजन सुहाना शेख (वय ३०, रा. कमळापूर फाटा, रांजणगाव शेणपुंजी) अशी या तृतीयपंथीयांची नावे आहेत. त्यांच्याविरुद्ध पोलीस अंमलदार रवींद्र गायकवाड यांनी तक्रार दिली. मंगळवारी सकाळी सहायक फौजदार व्ही. एम. वैष्णव, पोलीस अंमलदार योगेश कासर्ले, रवींद्र गायकवाड, महिला पोलीस अंमलदार रेखा चांदे हे पेट्रोलिंग करत असताना ए एस क्लब ब्रिजखाली रोडवर वाहनधारकांना पैशांसाठी त्रास देताना आढळले. पोलिसांनी त्यांना पकडून कारवाई केली. अधिक तपास पोलीस उपनिरीक्षक चंद्रकांत कामठे करत आहेत.