दोन गावठी कट्टे जप्त, दोघांच्या मुसक्या आवळल्‍या, छावणी अन्‌ वाळूजमध्ये शहर पोलिसांची कामगिरी

By City News Desk

On 28 Oct 2024

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

छत्रपती संभाजीनगर (सीएससीएन वृत्तसेवा) : विधानसभा निवडणुकीमुळे आचारसंहिता लागू असून, निवडणुकीत कोणताही गैरप्रकार घडू नये यासाठी अवघे शहर पोलीस दल अलर्ट मोडवर आहे. कर्तव्यदक्ष पोलीस आयुक्‍त प्रवीण पवार यांच्या मार्गदर्शनाखाली वाहनांची तपासणी, पेट्रोलिंग, गुन्हेगारांची झाडाझडती मोठ्या प्रमाणावर घेतली जात आहे. शहर पोलिसांनी छावणी आणि वाळूजमधून दोन गावठी कट्टे जप्त केले आहेत. विकी ठकसेन काळे (वय […]

छत्रपती संभाजीनगर (सीएससीएन वृत्तसेवा) : विधानसभा निवडणुकीमुळे आचारसंहिता लागू असून, निवडणुकीत कोणताही गैरप्रकार घडू नये यासाठी अवघे शहर पोलीस दल अलर्ट मोडवर आहे. कर्तव्यदक्ष पोलीस आयुक्‍त प्रवीण पवार यांच्या मार्गदर्शनाखाली वाहनांची तपासणी, पेट्रोलिंग, गुन्हेगारांची झाडाझडती मोठ्या प्रमाणावर घेतली जात आहे. शहर पोलिसांनी छावणी आणि वाळूजमधून दोन गावठी कट्टे जप्त केले आहेत. विकी ठकसेन काळे (वय २५, रा. लक्ष्मी गायरान, वाळूज) आणि सय्यद जावेद सय्यद मोझम (वय ३३, रा. गल्ली क्र. ३, काचीवाडा, शहाबाजार) अशी पोलिसांनी पकडलेल्यांची नावे आहेत.

वाळूजमध्ये यांनी केली कारवाई….
गुन्हे शाखेचे वरिष्ठ पोलीस निरीक्षक संदीप गुरमे यांच्या मार्गदर्शनाखाली पोलीस उपनिरीक्षक विशाल बोडखे, पोलीस अंमलदार सतीश जाधव, विजय निकम, बाळू नागरे, योगेश नवसारे, ज्ञानेश्वर पवार, राजाराम डाखुरे, प्रीती इलग यांच्या पथकाने वाळूज येथील लाईननगर भागात छापा मारून विकी काळेला पकडून त्याच्याकडील देशी बनावटीचे पिस्तुल व एक जिवंत काडतूस जप्त केले.

छावणीतील आठवडे बाजारात कारवाई…
सायबर पोलीस ठाण्याचे पोलीस निरीक्षक शिवचरण पांढरे यांच्यासह गुन्हे शाखेचे उपनिरीक्षक संदीप शिंदे यांच्या पथकाने संयुक्‍तरित्या छावणीतील आठवडे बाजारात कारवाई केली. सापळा रचून सय्यद जावेदला पकडले. त्याच्याकडे लाकडी मुठीचे गावठी पिस्तुल व ९ एमएमची दोन जिवंत काडतुसे मिळून आली.