छत्रपती संभाजीनगरचे गणेशभक्‍त आदित्य शर्मा जुने कायगावमध्ये गणेश विसर्जनादरम्यान बेपत्ता; दिवसभर गोदापात्रात शोध

By City News Desk

On 19 Sep 2024

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

छत्रपती संभाजीनगर (सीएससीएन वृत्तसेवा) : छत्रपती संभाजीनगर शहरातील सिंधी कॉलनी येथील आदित्य सुरजमल शर्मा (वय ७०) हे श्री साई सेवा मंडळाच्या गणेश विसर्जनासाठी जुने कायगाव येथे आले होते. ते बेपत्ता झाले आहेत. गोदावरी नदीपात्रात पोलीस आणि प्रशासनाने बुधवारी पहाटेपासून दिवसभर शोध मोहीम राबविली. मात्र सायंकाळपर्यंत त्यांचा शोध लागला नाही. मंगळवारी रात्री १० वाजता विसर्जन आटोपून […]

छत्रपती संभाजीनगर (सीएससीएन वृत्तसेवा) : छत्रपती संभाजीनगर शहरातील सिंधी कॉलनी येथील आदित्य सुरजमल शर्मा (वय ७०) हे श्री साई सेवा मंडळाच्या गणेश विसर्जनासाठी जुने कायगाव येथे आले होते. ते बेपत्ता झाले आहेत. गोदावरी नदीपात्रात पोलीस आणि प्रशासनाने बुधवारी पहाटेपासून दिवसभर शोध मोहीम राबविली. मात्र सायंकाळपर्यंत त्यांचा शोध लागला नाही.

मंगळवारी रात्री १० वाजता विसर्जन आटोपून मंडळाचे सदस्य परत शहराकडे निघाले. मात्र त्यांना आदित्य शर्मा सोबत नसल्याचे दिसले. त्यानंतर मंडळातील सर्व सदस्यांनी त्यांचा शोध सुरू केला. मात्र ते सापडले नाहीत. रात्री उशिरा गंगापूर पोलिसांना याबाबत कळविण्यात आले. ते नदीवरील पुलावरून पडल्याचा संशय वर्तविण्यात आला. स्थानिक जीवनरक्षक दलाच्या साहाय्याने बोटीद्वारे त्यांचा नदीपात्रात शोध घेण्यात आला. मात्र बुधवारी सायंकाळपर्यंत शोध लागला नाही. याप्रकरणी गंगापूर पोलीस ठाण्यात नोंद करण्यात आली आहे.