गावठी कट्टा विकायला आलेल्या तरुणाला सापळा रचून पकडले!

By City News Desk

On 30 Oct 2024

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

छत्रपती संभाजीनगर (सीएससीएन वृत्तसेवा) : वाळूज एमआयडीसी पोलिसांनी गावठी कट्टा विकण्यासाठी आलेल्या २४ वर्षीय तरुणाच्या मुसक्या आवळल्या आहेत. रविवारी (२७ ऑक्‍टोबर) रात्री वाळूज एमआयडीसीतील वडगाव कोल्हाटीत ही कारवाई करण्यात आली. सूरज किसन पाईकराव (वय २४, रा. वडगाव धानोरा, ता. पुसद, जि. यवतमाळ, ह. मु. रांजणगाव शेणपुंजी, छत्रपती संभाजीनगर) असे पकडण्यात आलेल्याचे नाव आहे. त्याच्या ताब्यातून […]

छत्रपती संभाजीनगर (सीएससीएन वृत्तसेवा) : वाळूज एमआयडीसी पोलिसांनी गावठी कट्टा विकण्यासाठी आलेल्या २४ वर्षीय तरुणाच्या मुसक्या आवळल्या आहेत. रविवारी (२७ ऑक्‍टोबर) रात्री वाळूज एमआयडीसीतील वडगाव कोल्हाटीत ही कारवाई करण्यात आली.

सूरज किसन पाईकराव (वय २४, रा. वडगाव धानोरा, ता. पुसद, जि. यवतमाळ, ह. मु. रांजणगाव शेणपुंजी, छत्रपती संभाजीनगर) असे पकडण्यात आलेल्याचे नाव आहे. त्याच्या ताब्यातून ३० हजारांचा देशी बनावटीचा कट्टा व ५ जिवंत काडतुसे जप्त करण्यात आली आहे. वडगाव-तीसगाव रोडवरील नायरा पेट्रोलपंपाजवळ सूरज देशी कट्टा विक्रीसाठी आला होता. पोलीस उपनिरीक्षक प्रवीण पाथरकर यांना कळताच त्यांनी सहायक पोलीस निरीक्षक मनोज शिंदे, दिनेश बन, पोलीस अंमलदार विनोद नितनवरे, बाळासाहेब आंधळे, राजाभाऊ कोल्हे, जालिंधर रंधे, सुरेश कचे, मनमोहन कोलीमी, यशवंत गोबाडे, विशाल पाटील, मनोज बनसोडे, नितीन इनामे, गणेश सागरे, समाधान पाटील, हनुमान ठोके यांच्यासह सापळा रचून सूरजला ताब्‍यात घेतले.