किराणा दुकानदाराच्या आत्‍महत्‍येने रांजणगाव शेणपुंजी हादरले!

By City News Desk

On 03 Sep 2024

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

छत्रपती संभाजीनगर (सीएससीएन वृत्तसेवा) : वाळूज एमआयडीसीतील रांजणगाव शेणपुंजी येथे किराणा दुकानदाराने राहत्‍या घरी गळफास घेऊन आत्‍महत्‍या केल्याची घटना सोमवारी (२ सप्टेंबर) दुपारी बाराच्या सुमारास घडली. राहुल दत्तू हिवाळे (रा. रांजणगाव शेणपुंजी) असे आत्‍महत्‍या केलेल्याचे नाव आहे. त्‍याच्या आत्‍महत्‍येचे कारण अद्याप समोर आलेले नाही. सोमवारी सकाळी दहा वाजूनही राहुल झोपेतून न उठल्याने आई चंद्रकलाबाई यांनी […]

छत्रपती संभाजीनगर (सीएससीएन वृत्तसेवा) : वाळूज एमआयडीसीतील रांजणगाव शेणपुंजी येथे किराणा दुकानदाराने राहत्‍या घरी गळफास घेऊन आत्‍महत्‍या केल्याची घटना सोमवारी (२ सप्टेंबर) दुपारी बाराच्या सुमारास घडली. राहुल दत्तू हिवाळे (रा. रांजणगाव शेणपुंजी) असे आत्‍महत्‍या केलेल्याचे नाव आहे. त्‍याच्या आत्‍महत्‍येचे कारण अद्याप समोर आलेले नाही.

सोमवारी सकाळी दहा वाजूनही राहुल झोपेतून न उठल्याने आई चंद्रकलाबाई यांनी त्याला आवाज दिले. पण खोलीतून कोणताच प्रतिसाद मिळत नसल्याने त्यांनी शेजारी राहणारा पुतण्या मुकुंद हिवाळे याला बोलावले. शेजारी, नातेवाइकांनी मिळून खोलीचा दरवाजा तोडला. राहुल छताच्या पंख्याला इस्त्रीच्या वायरने गळफास घेतलेला दिसला. वाळूज एमआयडीसी पोलिसांनी माहिती मिळताच घटनास्‍थळी येऊन पंचनामा केला. राहुलला शासकीय रुग्णालयात दाखल केले.

तेथे डॉक्‍टरांनी तपासून त्याला मृत घोषित केले. पोलिसांनी आकस्मिक मृत्यूची नोंद केली आहे. राहुल रांजणगाव शेणपुंजीत किराणा दुकान चालवत होता. त्याला तीन विवाहित बहिणी असून आई चंद्रकलाबाई व वडील दत्तू यांच्यासह राहत होता. रविवारी रात्री दुकान बंद करूनत घरी आला. जेवण करून रूममध्ये झोपण्यास गेला होता. सकाळी त्याचे वडील दुकानात गेले होते होते. मनमिळाऊ राहुलच्या आत्महत्येमुळे शेजारी पाजारीही हळहळले आहेत.