एसटी बसच्या धडकेने युवकाचा मृत्‍यू, चिकलठाण्यातील सावता मंगल कार्यालयासमोरील घटना

By City News Desk

On 30 Aug 2024

एसटी बसच्या धडकेने युवकाचा मृत्‍यू, चिकलठाण्यातील सावता मंगल कार्यालयासमोरील घटना

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

छत्रपती संभाजीनगर (सीएससीएन वृत्तसेवा) : एसटी बसच्या धडकेने युवकाचा मृत्‍यू झाल्याची घटना गुरुवारी (२९ ऑगस्ट)रात्री दहाच्या सुमारास चिकलठाण्यातील सावता मंगल कार्यालयासमोर घडली. मृतकाची ओळख अद्याप पटलेली नाही. सिडको एमआयडीसी पोलिसांनी एसटी बसचालकाविरुद्ध आज, ३० ऑगस्टला गुन्हा दाखल केला आहे. या प्रकरणात पोलीस अंमलदार योगेश म्हस्के यांनी तक्रार दिली. गुरुवारी रात्रपाळी ड्युटीवर असताना नियंत्रण कक्षातून त्‍यांना […]

छत्रपती संभाजीनगर (सीएससीएन वृत्तसेवा) : एसटी बसच्या धडकेने युवकाचा मृत्‍यू झाल्याची घटना गुरुवारी (२९ ऑगस्ट)रात्री दहाच्या सुमारास चिकलठाण्यातील सावता मंगल कार्यालयासमोर घडली. मृतकाची ओळख अद्याप पटलेली नाही. सिडको एमआयडीसी पोलिसांनी एसटी बसचालकाविरुद्ध आज, ३० ऑगस्टला गुन्हा दाखल केला आहे.

या प्रकरणात पोलीस अंमलदार योगेश म्हस्के यांनी तक्रार दिली. गुरुवारी रात्रपाळी ड्युटीवर असताना नियंत्रण कक्षातून त्‍यांना अपघाताची माहिती मिळाली. ते सहकारी पोलीस अंमलदार बनसोडे यांना सोबत घेऊन अपघातस्थळी आले. यावेळी पोलीस उपनिरीक्षक श्रीमती लाटे याही घटनास्‍थळी आल्या. एसटी महामंडळाची बस (MH 20 GC 2921) उभी होती. एक अंदाजे ३० ते ४० वर्षे वयोगटातील युवक, त्याच्या अंगात काळा शर्ट व काळी जिन्स पँट होती. पायात काळे कॅज्युअल शूज होते. उंची अंदाजे साडेपाच फूट, रंग सावळा, लांबट चेहरा, नाक बसके अशा वर्णनाचा तो होता. पोलिसांनी त्‍याला घाटी रुग्णालयात आणले असता डॉक्‍टरांनी तपासून मृत घोषित केले. या एसटी बसचा चालक अनिल सुभाषराव बोडखे (वय ३४, रा. बजरंगनगर चिकलठाणा) याच्याविरुद्ध पोलिसांनी गुन्हा दाखल केला आहे. अधिक तपास केला जात आहे.