Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post
छत्रपती संभाजीनगर (सीएससीएन वृत्तसेवा) : आदर्श पतसंस्थेच्या २०२ कोटींच्या घोटाळा प्रकरणी उपाध्यक्षासह आणखी एका संचालकाला पोलिसांनी आज, २० सप्टेंबरला अटक केली आहे. भाऊसाहेब मल्हारराव मोगल (वय ६६, रा. निलजगाव, ता. पैठण) आणि महेंद्र जगदीश देशमुख (वय ६९, रा. मुकुंद हौसिंग सोसायटी, सिडको एन २) अशी अटक केलेल्यांची नावे आहेत. जिल्हा व सत्र न्यायालयात त्यांना हजर […]
छत्रपती संभाजीनगर (सीएससीएन वृत्तसेवा) : आदर्श पतसंस्थेच्या २०२ कोटींच्या घोटाळा प्रकरणी उपाध्यक्षासह आणखी एका संचालकाला पोलिसांनी आज, २० सप्टेंबरला अटक केली आहे.
भाऊसाहेब मल्हारराव मोगल (वय ६६, रा. निलजगाव, ता. पैठण) आणि महेंद्र जगदीश देशमुख (वय ६९, रा. मुकुंद हौसिंग सोसायटी, सिडको एन २) अशी अटक केलेल्यांची नावे आहेत. जिल्हा व सत्र न्यायालयात त्यांना हजर केले असता २२ सप्टेंबरपर्यंत पोलीस कोठडीत ठेवण्याचे आदेश न्यायालयाने दिले. या संशयितांनी बनावट कर्जास मान्यता दिली आहे. ते पदावर असताना रोख स्वरुपात व्यवहार झाले आहेत का, याचा तपास करायचा असल्याने सरकारी पक्षातर्फे पोलीस कोठडीची मागणी करण्यात आली होती. आदर्श पतसंस्थेच्या घोटाळा प्रकरणी गेल्या वर्षी ११ जुलैला सिडको पोलिसांनी गुन्हा दाखल केला होता. या प्रकरणात अध्यक्ष अंबादास मानकापेसह उपाध्यक्ष, संचालक मंडळ मिळून २१ मुख्य आरोपी असून, एकूण ६ गुन्ह्यांत तब्बल ११२ आरोपी आहेत. पतसंस्थेचे एकूण ठेवीदार ९२ हजार १६४ आहेत.
.jpeg)
