अकरावीतील मुलीचे ११ वर्षांनी मोठ्या युवकासोबत लावणार होते लग्न!; पोलीस म्हणाले, ‘रुको जरा…’

By City News Desk

On 03 Jul 2024

अकरावीतील मुलीचे ११ वर्षांनी मोठ्या युवकासोबत लावणार होते लग्न!; पोलीस म्हणाले, ‘रुको जरा…’

"छत्रपती संभाजीनगर सिटी न्यूज' वेबसाईटवर प्रसिद्ध होणारा मजकूर, छायाचित्रे 'मेट्रोपोलिस पोस्ट' वृत्तपत्राच्या परवानगीशिवाय पूर्णतः किंवा अंशतः कॉपी करण्यास सक्त मनाई आहे. असे करताना कुणीही आढळल्यास कोणतीही वेगळी नोटीस न देता कायदेशीर कारवाई केली जाईल याची नोंद घ्यावी. - संपादक, मेट्रोपोलिस पोस्ट वृत्तपत्र

छत्रपती संभाजीनगर (सीएससीएन वृत्तसेवा) : आर्थिक चणचण, दोन मुली, एक मुलगा, त्‍यांचे शिक्षण, पती व्यसनाधीन… अशा आव्हानात्मक अवस्थेत जगणाऱ्या आईने अल्पवयीन मुलीचे लग्न लावून देण्याचा निर्णय घेत एका जबाबदारीतून मुक्त होण्याचा विचार केला. पण कायदा आड आल्याने हा विवाह चिकलठाणा पोलिसांनी थांबवला. लग्नमंडपात पोलिसांच्या एंट्रीमुळे वऱ्हाडी मंडळीत खळबळ उडाली… सोमवारी (१ जुलै) चिकलठाणा परिसरातील आपतगाव-भालगाव […]

छत्रपती संभाजीनगर (सीएससीएन वृत्तसेवा) : आर्थिक चणचण, दोन मुली, एक मुलगा, त्‍यांचे शिक्षण, पती व्यसनाधीन… अशा आव्हानात्मक अवस्थेत जगणाऱ्या आईने अल्पवयीन मुलीचे लग्न लावून देण्याचा निर्णय घेत एका जबाबदारीतून मुक्त होण्याचा विचार केला. पण कायदा आड आल्याने हा विवाह चिकलठाणा पोलिसांनी थांबवला. लग्नमंडपात पोलिसांच्या एंट्रीमुळे वऱ्हाडी मंडळीत खळबळ उडाली… सोमवारी (१ जुलै) चिकलठाणा परिसरातील आपतगाव-भालगाव परिसरातील लॉनमध्ये ही घटना घडली.

सृष्टी (नाव बदलले आहे) अकरावीत असून, लहान बहीण, भाऊ, आई-वडिलांसह चिकलठाणा परिसरात राहते. परिस्थिती गरिबीची आहे. तिचे वडील व्यसनांच्या आहारी गेलेले आहेत. अशातच नातलगाने सृष्टीच्या लग्नाचा प्रस्ताव तिच्या आईकडे दिला. सृष्टीपेक्षा ११ वर्षांनी मोठ्या युवकासोबत तिचे लग्न लावून देण्यात येत होते. लॉनमध्ये वधू-वर नटूनथटून तयार होते. मात्र ही माहिती जिल्हा महिला बालविकासच्या चाइल्ड हेल्पलाइन १०९८ वर समजली. त्यांनी चिकलठाणा पोलिसांना कळवले. पोलीस निरीक्षक रविकिरण दरवडे यांच्या सूचनेवरून पोलीस उपनिरीक्षक सतीश पंडित, सुनील ससाणे, समुपदेशक आम्रपाली बोर्डे, सचिन रोडे यांनी लग्नस्थळी धाव घेतली. वधूचा जन्म दाखला पाहून ती अल्पवयीन असल्याचे समोर आले. त्‍यामुळे विवाह थांबविण्यात आला.