व्हेरॉकच्या कामगारांची दिवाळी गोड!; ३७ हजार ९२१ रुपयांचा घशघशीत बोनस!!

By City News Desk

On 09 Oct 2025

व्हेरॉकच्या कामगारांची दिवाळी गोड!; ३७ हजार ९२१ रुपयांचा घशघशीत बोनस!!

"छत्रपती संभाजीनगर सिटी न्यूज' वेबसाईटवर प्रसिद्ध होणारा मजकूर, छायाचित्रे 'मेट्रोपोलिस पोस्ट' वृत्तपत्राच्या परवानगीशिवाय पूर्णतः किंवा अंशतः कॉपी करण्यास सक्त मनाई आहे. असे करताना कुणीही आढळल्यास कोणतीही वेगळी नोटीस न देता कायदेशीर कारवाई केली जाईल याची नोंद घ्यावी. - संपादक, मेट्रोपोलिस पोस्ट वृत्तपत्र

छत्रपती संभाजीनगर (मेट्रोपोलिस पोस्ट वृत्तपत्राच्या सौजन्याने) : वाळूज एमआयडीसीतील अग्रगण्य कंपनी व्हेरॉक इंजिनिअर लिमिटेडने यंदाही कामगारांची दिवाळी गोड केली आहे. कंपनी व्यवस्थापनाने कामगारांना तब्बल ३७ हजार ९२१ रुपयांचा घशघशीत दिवाळी बोनस जाहीर केला आहे.

आज, ९ ऑक्‍टोबरला व्हेरॉक व्यवस्थापन आणि कामगार संघटनेच्या प्रतिनिधींमध्ये यावर बैठक झाली. चर्चा होऊन बोनसचा निर्णय जाहीर करण्यात आला. घोषणेनंतर कामगारांत आनंदाचे वातावरण निर्माण झाले. बैठकीसाठी उपाध्यक्ष सतीश मांडे, सुदाम जाधव (BUHR हेड), एचआर हेड विकास मगर, तसेच युनिट अध्यक्ष सिद्धार्थ पैठणे, रामेश्वर शिंदे, सुनिल महाजन, बापू डिघोळे, लक्ष्मण कवार, भगवान गाडे, सुरेश जगताप, कृष्णा वाघमारे, गणेश कोल्हे व बाळासाहेब दातरगे आदी उपस्थित होते. व्हेरॉक समूहाचे कार्यकारी संचालक तरंग जैन, मुख्याधिकारी अर्जुन जैन यांच्या कर्मचारी हिताच्या धोरणामुळे हा निर्णय झटपट होण्यास मदत झाली. पँथर पॉवर कामगार संघटनेचे सचिव सिद्धांत गाडे, सहसचिव प्रविण गाडेकर यांच्या पाठपुराव्याला यश आले.