२६ वर्षीय तरुणीवर कारमध्ये जबरदस्ती शरीरसंबंध करण्याचा प्रयत्न!; पुंडलिकनगर परिसरातील धक्कादायक घटना

By City News Desk

On 06 Dec 2025

२६ वर्षीय तरुणीवर कारमध्ये जबरदस्ती शरीरसंबंध करण्याचा प्रयत्न!; पुंडलिकनगर परिसरातील धक्कादायक घटना

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

छत्रपती संभाजीनगर (मेट्रोपोलिस पोस्ट वृत्तसेवा) : लॉच्या पहिल्या वर्षात शिकत असलेल्या २६ वर्षीय तरुणीला जबरदस्तीने कारमध्ये ओढून नेत चाकूचा धाक दाखवून जीवे मारण्याची धमकी दिल्याचा प्रकार गुरुवारी (४ डिसेंबर) रात्री १० च्या सुमारास गजानन मंदिर परिसरात घडला. तशी तक्रार तरुणीने पुंडलिकनगर पोलिसांत दिली असून, त्यावरून ॲड. महेंद्र भगवान नैनाव (रा. उत्तरानगरी, पुंडलिकनगर) याच्याविरुद्ध पोलिसांनी आणखी एक गुन्हा दाखल केला आहे.

यापूर्वी याच तरुणीने ॲड. नैनावविरुद्ध नऊ तक्रारी नोंदवल्या असून, यात बलात्काराचाही गुन्हा समाविष्ट आहे. तरुणी गजानन महाराज मंदिरात दर्शनासाठी आली होती. दर्शन घेऊन मंदिराबाहेरील चप्पल स्टँडजवळ उभी होती. तितक्यात नैनाव तिथे आला. त्याने तिचा डावा हात पकडून ओढत पुलाकडे नेले व एका दुकानामागे उभ्या केलेल्या कारमध्ये जबरदस्तीने ढकलत दरवाजे बंद करून चाकूचा धाक दाखवला. स्वतः च्या हाताची नस कापेन किंवा तुझा जीव घेईन, अशी धमकी दिली.

जबरदस्तीने शरीरसंबंध करण्याचा प्रयत्न केला. झटापटीत आपल्या डाव्या हाताला मार लागला, असे तरुणीने तक्रारीत म्हटले आहे. केस मागे घे, नाही तर जीव घेईन, तुझा आणि पालकमंत्री यांचा व्हिडिओ व्हायरल करीन, अशी धमकीही दिल्याचे तरुणीने तक्रारीत म्हटले आहे. तरुणीने त्याच्या ताब्यातून कशीबशी सुटका करून घेत पळ काढला आणि पुंडलिकनगर पोलीस ठाणे गाठल्याचे तक्रारीत म्हटले आहे. अधिक तपास सहायक पोलीस उपनिरीक्षक सुनील म्हस्के करीत आहेत.

श्री साई इन्स्‍टिट्यूटचे फसवणूक प्रकरण : जाधव पिता-पूत्र पोलिसांना सापडेनात, १३३ विद्यार्थ्यांची कोट्यवधींना गंडा, २ कर्मचाऱ्यांना पोलीस कोठडी

By City News Desk

महत्त्वाची बातमी : शेंद्रा ते बिडकीन अन्‌ बिडकीन ते ढोरेगाव... दोन नवे ग्रीनफिल्ड रस्ते वाढवणार इंडस्ट्रियल कनेक्टिव्हिटी, ७४४ कोटी मंजूर

By City News Desk