‘रहमान डकैत’चा छोटा मुलगा फैजल, छोट्या पाकिटात मोठा धमाका आहे बिहारचा अजिंक्य मिश्रा!; वयाच्या ९ व्या वर्षी जिंकलेत अनेक पुरस्कार

‘धुरंधर' प्रदर्शित झाल्यापासून त्यातील प्रत्येक पात्र आणि अभिनेत्याचे कौतुक होत आहे. रहमान डकैतच्या भूमिकेत अक्षय खन्ना असो, हमजाच्या भूमिकेत रणवीर सिंग असो, जमील जमालीच्या भूमिकेत राकेश बेदी, चौधरी असलमच्या भूमिकेत संजय दत्त किंवा मेजर इकबालच्या भूमिकेत अर्जुन रामपाल असो... या सर्वांच्या मध्ये रहमान डकैलची दोन मुले, फैसल आणि नईमदेखील चमकतात. चित्रपटात नईमचा लवकर मृत्यू होतो, तर रणवीर सिंगने साकारलेला हमजा हा रहमान डकैतचा धाकटा मुलगा फैसलला वाचवतो. रहमानच्या धाकट्या मुलाची ही भूमिका कोणी केली हे तुम्हाला माहिती आहे का?

ही भूमिका बिहारमधील भोजपूर येथील १४ वर्षांचा, लोकप्रिय बाल कलाकार अजिंक्य मिश्राने साकारली आहे. अजिंक्य मिश्रा नुकत्याच प्रदर्शित झालेल्या "सिंगल पापा’ या ओटीटी प्लॅटफॉर्म नेटफ्लिक्सवर प्रदर्शित झालेल्या सिरीजमध्येही दिसला. या सिरीजमध्ये त्याने नेहा धुपियाचा मुलगा श्लोकची भूमिका केली आहे. कुणाल खेमूने मुख्य भूमिका साकारली आहे. अजिंक्यच्या भूमिकेचेही मोठे कौतुक होत आहे.

एकही संवाद नाही, तरीही प्रभाव पाडला...
‘धुरंधर'मध्ये अजिंक्य मिश्राचा एकही संवाद नाही. तरीही त्याने प्रभाव पाडला आहे. त्याचे अनेक सीन चित्रपटात आहेत. काही सीनमध्ये त्याचे पात्र मोहम्मद आलमसोबत (गौरव गेरा) बोलताना दाखवले आहे. संवाद नसतानाही, अजिंक्य मिश्रा लक्ष वेधण्यात यशस्वी झाला आहे. हा अजिंक्य मिश्राचा पहिला चित्रपट आहे. अलीकडेच अजिंक्यचे वडील जयशंकर मिश्रा यांनी सांगितले की त्यांच्या मुलाला इतका मोठा चित्रपट कसा मिळाला.

५० हून अधिक जाहिरातींमध्ये काम
अजिंक्यच्या वडिलांनी सांगितले, की त्याला वयाच्या तिसऱ्या वर्षापासून अभिनयात रस होता. हे पाहून त्यांनी २०१५ मध्ये अजिंक्यला मॉडेलिंगमध्ये दाखल केले. तिथे अजिंक्य अनेक कंपन्यांचा ब्रँड अ‍ॅम्बेसेडर बनला आणि छोट्या जाहिरातींमधून प्रगती केली. अजिंक्यच्या वडिलांनी सांगितले की त्यांच्या मुलाने आधीच ५० हून अधिक टीव्ही जाहिरातींमध्ये काम केले आहे. त्यानंतर, २०१७ मध्ये त्याला विद्रोही या टीव्ही मालिकेसाठी फोन आला, त्यानंतर अजिंक्य आणि त्याचे कुटुंब २०१८ मध्ये मुंबईत आले. त्यानंतर अजिंक्यने डेमोक्रसी या लघुपटात काम केले. अजिंक्यच्या वडिलांच्या मते, त्यासाठी त्याला पुरस्कारही मिळाले.

"दिल तो हॅप्पी है जी’ने दिली प्रसिद्धी
अजिंक्यने टेलिव्हिजनच्या जगात प्रवेश केला. त्याचा पहिला टीव्ही शो "दिल तो हॅप्पी है जी’होता, जो २०१९ मध्ये प्रसारित झाला. यासाठी अजिंक्यने त्याच वर्षी एका पुरस्कार कार्यक्रमात सर्वोत्कृष्ट बाल कलाकाराचा पुरस्कार जिंकला. २०२२ मध्ये अजिंक्य मिश्राला दुसऱ्या एका कार्यक्रमात सर्वोत्कृष्ट बाल कलाकाराचा पुरस्कारही देण्यात आला. अजिंक्यने "रक्षाबंधन -रसल अपने भाई की ढाल’ आणि "महाराज की जय हो’ यासह अनेक टीव्ही शोमध्ये काम केले आहे.

असा मिळाला "धुरंधर’
अजिंक्य सध्या नववीत आहे आणि तो त्याच्या अभ्यासासोबतच मॉडेलिंग आणि अभिनयाचाही अभ्यास करत आहे. त्याला "धुरंधर’मध्ये भूमिका कशी मिळाली? याबद्दल अजिंक्यच्या वडिलांनी खुलासा केला. ते म्हणाले, की कास्टिंग डायरेक्टर मुकेश छाब्रा यांनी सप्टेंबर २०२४ मध्ये त्यांना कॉल केला. "धुरंधर’मध्ये अजिंक्यचा संवाद नसल्याने सुरुवातीला त्याच्या वडिलांनी चित्रपट करण्यास नकार दिला. तथापि, नंतर त्यांना कळले की चित्रपटात अनेक प्रमुख कलाकारांचेही डायलॉग नाहीत. आता, जेव्हा "धुरंधर’ प्रदर्शित झाला तेव्हा अजिंक्यच्या वडिलांना मुलाच्या भूमिकेचा प्रचंड प्रभाव जाणवला.