वैजापूर (मेट्रोपोलिस पोस्ट वृत्तसेवा) : मुलाच्या निधनाचा धक्का सहन न झालेल्या मातेने त्यानंतर अवघ्या ६ तासांतच प्राण सोडला. ही हृदयद्रावक घटना करंजगाव (ता. वैजापूर) येथे बुधवारी (१० डिसेंबर) घडली. भाऊसाहेब कचरू गंडे (वय ६५) व लक्ष्मीबाई कचरू गंडे (वय ९०) असे मायलेकाचे नाव आहे.
भाऊसाहेब हे करंजगाव येथील गंडे वस्तीवर आई, पत्नी, मुलगा, मुलगी यांच्यासह राहत होते. ते पाच वर्षांपासून अर्धांगवायू आजाराने ग्रस्त होते. बुधवारी पहाटे पाचला त्यांना हार्टॲटॅक आला. यातच यांचा मृत्यू झाला. मुलाच्या मृत्यूचा धक्का त्यांची ९० वर्षीय आई लक्ष्मीबाई सहन करू शकल्या नाहीत. त्यांना शोक अनावर झाला. त्यांनीही दुपारी पावणेबाराला प्राण सोडले. एकाच कुटुंबातील दोघांचा एकाच दिवशी अवघ्या सहा सातांच्या अंतराने मृत्यू झाल्यामुळे गंडे परिवारावर दुःखाचा डोंगर कोसळला. लक्ष्मीबाई यांच्या पश्चात चार मुले, सुना, नातवंडे असा परिवार आहे. मायलेकावर करंजगावच्या गंडेवस्तीवरच अंत्यविधी करण्यात आले.
बेगमपुऱ्यात बहिणीकडेच भावाची आत्महत्याछत्रपती संभाजीनगर शहरातील बेगमपुऱ्यातील कोळीवाडा भागात ५८ वर्षीय राजेंद्र सांडुजी म्हस्के यांनी बहिणीच्या घरी गळफास घेऊन आत्महत्या केली. गुरुवारी (११ डिसेंबर) दुपारी दीडलच्या सुमारास पडेगावच्या तारांगण सोसायटी परिसरात ही घटना समोर आली. राजेंद्र यांची बहीण तारांगण परिसरात राहते. राजेंद्र नेहमी त्यांच्याकडे येत-जात असत. गुरुवारीही बहिणीकडे आले. दुपारी कोणीच नसताना म्हस्के यांनी गळफास घेतला. छावणी पोलीस अधिक तपास करत आहेत.
.jpg)
