अतिवृष्टीचा सहावा बळी : कन्नडमध्ये शेतकऱ्याने शेतातच विष पिले!

By City News Desk

On 06 Oct 2025

अतिवृष्टीचा सहावा बळी : कन्नडमध्ये शेतकऱ्याने शेतातच विष पिले!

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

कन्नड (मेट्रोपोलिस पोस्ट वृत्तपत्राच्या सौजन्याने) : छत्रपती संभाजीनगर जिल्ह्यात अतिवृष्टीचा सहावा बळी गेला आहे. अतिवृष्टीमुळे शेतातील मका पिकाची वाढ खुंटली. त्यामुळे चिंतित झालेल्या ४५ वर्षीय शेतकऱ्याने शेतातच विष पिऊन आत्महत्या केली. ही दुर्दैवी घटना कन्नड तालुक्यातील औराळा शिवारात रविवारी (५ ऑक्‍टोबर) दुपारी साडेतीनच्या सुमारास घडली.

सतीश कारभारी निकम (वय ४५, रा. हिंगणा ता. वैजापूर, ह. मु. वाळूज) असे आत्महत्या केलेल्या शेतकऱ्याचे नाव आहे. शेतीसोबत मजुरी करून कुटुंबाचा उदरनिर्वाह करत होते. औराळा शिवारातील गट नंबर १२१ मध्ये त्यांची शेती आहे. पत्नी, एक मुलगी आणि एका मुलासह वाळूजला राहत होते. तिथूनच शेतीत ये-जा करत होते. अतिवृष्टीमुळे शेतातील मका पिकाची वाढ खुंटल्याने ते चिंतित होते. लागवडीसाठी केलेला खर्चही निघणार नाही. त्यामुळे खासगी कर्ज कसे फेडावे, या चिंतेने त्यांना घेरले होते. रविवारी सकाळी शेतात जाऊन येतो, असे पत्नीला सांगून ते शेतात आले. त्यांनी शेतातच विष पिले. नातेवाइकांनी त्यांना कन्नड ग्रामीण रुग्णालयात आणले. मात्र वैद्यकीय अधिकाऱ्यांनी तपासून मृत घोषित केले.