सिल्लोड (सीएससीएन वृत्तसेवा) : रहिमाबाद (ता. सिल्लोड) येथील साहेबराव नारायण तुपे (वय ५५, रा. रहिमाबाद, ता. सिल्लोड) यांनी कर्जबाजारीपणाला कंटाळून राहत्या घरात गळफास घेऊन आत्महत्या केली. ही घटना शनिवारी (९ ऑगस्ट) मध्यरात्री बाराच्या सुमारास घडली.
तुपे यांच्यावर खासगी सावकार व बँकांचे चार लाख रुपयांचे कर्ज होते. ते कसे फेडावे, या विवंचनेतून त्यांनी आत्महत्या केली. राहत्या घरात कुटुंबीय झोपी गेल्यानंतर त्यांनी गळफास घेतला. हा प्रकार सकाळी त्यांची पत्नी व मुले उठल्यावर लक्षात आला. तुपे यांना फासावरून उतरवून सिल्लोड येथील उपजिल्हा रुग्णालयात आणले असता डॉक्टरांनी तपासून मृत घोषित केले. त्यांच्या पार्थिवावर रविवारी दुपारी ११ वाजता अंत्यसंस्कार करण्यात आले. त्यांच्या पश्चात पत्नी, तीन मुली, मुलगा, असा परिवार आहे.
.jpg)
.jpg)
.jpg)
.jpg)
.jpg)
.jpg)
.jpg)
.jpg)
