खुलताबाद (सीएससीएन वृत्तसेवा) : वेरूळ लेणीसमोरील एसबीआय बँकेचे एटीम मशीन आज, ११ सप्टेंबरला पहाटे तीनला चार ते पाच चोरट्यांनी छोट्या हत्ती गाडीत घालून लंपास केल्याने खळबळ उडाली आहे. या एटीएममध्ये १६ लाख ७७ हजार १०० रुपयांची रोकड होती, असे बँकेच्या सूत्रांनी सांगितले.
चोरट्यांनी आधी सीसीटीव्ही कॅमेरे स्प्रे मारून बंद केले. नंतर अख्खे एटीएम मशीनच गाडीत टाकून नेले आणि कन्नडच्या दिशेने पसार झाले. सकाळी काही पर्यटक एटीएममध्ये पैसे काढण्यासाठी आले असता एटीएमच उखडून नेल्याचे पाहून ते चक्रावले. तातडीने त्यांनी खुलताबाद पोलिसांना कळवले. पोलीस निरीक्षक धनंजय फराटे यांनी सहकाऱ्यांसह घटनास्थळी धाव घेतली. एसबीआयच्या अधिकऱ्यांनीही घटनास्थळी येऊन पाहणी केली. 
श्वानपथकाने चोरट्यांचा माग काढण्याचा प्रयत्न केला. खुलताबाद पोलिसांनी चोरट्यांविरुद्ध गुन्हा दाखल करून तपास सुरू केला आहे. चोरट्यांनी तोंडाला काळा बुरखा बांधलेला होता. एटीएम केंद्रात ३ वाजून ३ मिनिटांनी आले, अवघ्या १० मिनिटांत एटीएम मशीन छोटा हत्ती वाहनात घेऊन गेले. चोरट्यांनी छोटा हत्ती वाहन वाळूज एमआयडीसीमधून चोरून आणल्याचे समोर आले आहे.
आणखी महत्त्वाच्या बातम्या
.jpeg)
.jpg)
Latest News
03 Mar 2026 19:51:30
छत्रपती संभाजीनगर (मेट्रोपोलिस पोस्ट वृत्तसेवा) : वाळूज एमआयडीसीतील पंढरपूर येथील कामगार चौकातील श्री जगदीश जयदीप इंडस्ट्रीज कंपनीत १९ वर्षीय तरुणाला...
