Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post
पैठण (मेट्रोपोलिस पोस्ट वृत्तसेवा) : पैठण नगरपालिका निवडणुकीचा निकाल रविवारी (२१ डिसेंबर) दुपारी जाहीर झाला. त्यानंतर ठाकरे गटाचे पराभूत उमेदवार मन्नान कुरेशी घरी जात असताना भावकीतील काही जण हसले. त्यामुळे दोन गटांत तुफान दगडफेक झाली. यात सहा जण जखमी झाले. ही घटना पैठण शहरातील नेहरू चौकात घडली.
मन्नान कुरेशी दुपारी साडेचारला घरी जात असताना नेहरू चौकात त्यांच्या भावकीतील काहीजण त्यांना बघून हसले. कुरेशी यांनी त्यांना तुम्ही का हसत आहात, असा जाब विचारला. त्यामुळे कुरेशी आणि भावकीतील गटात वाद झाला. वादाचे रुपांतर हाणामारी आणि लगेचच तुफान दगडफेकीत झाले. माहिती मिळताच पैठण पोलिसांनी धाव घेतली आणि जमावाला पांगवले. यामुळे परिसरात रात्रीपर्यंत तणाव निर्माण झाला होता. पोलिसांनी तगडा बंदोबस्त तैनात केला होता. मात्र या प्रकरणी रात्री उशिरापर्यंत दोन्ही गटांकडून पोलिसांत तक्रार दाखल केलेली नव्हती, अशी माहिती पोलीस निरीक्षक महादेव गोमारे यांनी दिली.
असा आहे पैठणचा निकाल.... पैठणवर खा. संदिपान भुमरे आणि आ. विलास भुमरे या पिता-पुत्रांनी आपले वर्चस्व पुन्हा एकदा दाखवून दिले आहे. शिंदे गटाच्या नगराध्यक्ष विद्या कावसानकर या ३ हजार ७५१ मतांच्या फरकाने निवडून आल्या. याशिवाय भुमरे पिता-पुत्राने १९ नगरसेवकही निवडून आणले. भाजपचा केवळ १ नगरसेवक निवडून आला आहे. काँग्रेसचे ४ नगरसेवक निवडून आले.
.jpg)
