छत्रपती संभाजीनगर/फुलंब्री/खुलताबाद (मेट्रोपोलिस पोस्ट वृत्तपत्राच्या सौजन्याने ) : नाला बंडिंगमध्ये पोहण्यासाठी उतरलेल्या तरुणाचा बुडून मृत्यू झाला. ही घटना पोखरी (ता. फुलंब्री) शिवारात गुरुवारी (१८ सप्टेंबर) सायंकाळी सहाच्या सुमारास घडली. चरण जादूसिंग जराड (वय २५, रा. कारोळा, ता. छत्रपती संभाजीनगर) असे मृत्यू झालेल्याचे नाव आहे.
चरण हा दोन मित्रांसोबत पोखरी शिवारात आला होता. तेथील नाला बंडिंगमध्ये साचलेल्या पाण्यात तिघेही पोहण्यासाठी उतरले. चरणला पाण्याच्या खोलीचा अंदाज आला नाही. तो बुडाला. त्याच्या मित्रांनी मदतीसाठी आरडाओरड केली. मात्र वेळेत मदत मिळाली नाही. चिकलठाणा येथील अग्निशमन दलाचे जवान घटनास्थळी आले. त्यांनी चरणला बाहेर काढले. नंतर चरणला घाटी रुग्णालयात आणण्यात आले. मात्र डॉक्टरांनी तपासून मृत घोषित केले. घटनेची नोंद फुलंब्री पोलिसांनी घेतली आहे. अधिक तपास पोलीस निरीक्षक संजय सहाणे यांच्या मार्गदर्शनाखाली पोलीस अंमलदार हरिश्चंद्र नरके करत आहेत.
बेपत्ता तरुणाचा मृतदेह आढळला विहिरीतखुलताबाद तालुक्यातील येसगाव येथील २२ वर्षीय विकास पुंडलिक दांगोडे दोन दिवसांपूर्वी घरातून बेपत्ता झाला होता. गावातील विहिरीत गुरुवारी (१८ सप्टेंबर) दुपारी त्याचा मृतदेह आढळला आहे. विकासच्या भावाने खुलताबाद पोलीस ठाण्यात तक्रार दिली होती. पोलिसांनी घटनास्थळी धाव घेत मृतदेह बाहेर काढला. गुरुवारी सायंकाळी त्याच्यावर अंत्यसंस्कार करण्यात आले. विकासच्या पश्चात आई-वडील व एक भाऊ आहे. घटनेचा अधिक तपास बाजार सावंगी पोलीस चौकीचे पोलीस करत आहेत.
चेलीपुऱ्यात गळफास घेऊन आत्महत्याछत्रपती संभाजीनगर शहरातील चेलीपुऱ्यात मोहम्मद अवाद मोहम्मदी (वय ४४, रा. नाहिदनगर, कटकटगेट परिसर, छ. संभाजीनगर) यांनी राहत्या घरात खिडकीला दोरी बांधत गळफास घेऊन आत्महत्या केली. ही घटना गुरुवारी (१८ सप्टेंबर) दुपारी समोर आली. अधिक तपास सिटी चौक पोलिस तपास करत आहेत. आत्महत्येचे कारण अद्याप समोर आलेले नाही.
.jpg)
.jpg)
