छत्रपती संभाजीनगर (मेट्रोपोलिस पोस्ट वृत्तसेवा) : संथगतीने सुरू असलेल्या रस्त्याच्या कामामुळे खडीवरून दुचाकी घसरली. यात ३३ वर्षीय युवकाचा मृत्यू झाला. ही दुर्दैवी घटना बुधवारी (११ मार्च) दुपारी साडेबाराच्या सुमारास पैठण रोड ते लिंक रोडदरम्यान पालकमंत्री संजय शिरसाट यांच्या निवासस्थान परिसरात घडली.
संदीप रमेशराव पतंगे (मूळ रा. येळंब, ता. हदगाव, जि. नांदेड) असे मृत्यू झालेल्याचे नाव आहे. संदीप काही महिन्यांपासून नोकरीनिमित्त छत्रपती संभाजीनगरात संग्रामनगर उड्डाणपुलाजवळील शिवनगरमध्ये राहत होते. ते खासगी कंपनीत सुरक्षारक्षक होते. बुधवारी दुपारी १ ला दुचाकीने कामावर जात होते. काम सुरू असलेल्या रस्त्यावर खडीवरून दुचाकी घसरली आणि रस्त्याच्या कडेला असलेल्या झाडावर जाऊन आदळली. संदीप यांच्या डोके व छातीला गंभीर दुखापत झाली.
नागरिकांनी त्यांना घाटी रुग्णालयात दाखल केले. मात्र, उपचारादरम्यान त्यांचा मृत्यू झाला. सातारा पोलीस ठाण्याचे सहायक फौजदार एन. के. भगत यांनी सांगितले. या प्रकरणी मंगळवारी एमआयडीसी वाळूज पोलीस ठाण्यात अज्ञात वाहनचालकाविरुद्ध गुन्हा दाखल केला आहे. हा अपघात रविवारी सायंकाळी घडला. प्रमोद अंकुश कुटे हे त्यांच्या दुचाकीवरून (एमएच २१ जे १५१७) जात असताना भरधाव वाहनाने त्यांच्या दुचाकीला जोराची धडक दिली. या धडकेत कुटे गंभीर जखमी झाले. कुटे यांना उपचारासाठी नेण्यात आले; मात्र त्यांचा मृत्यू झाला.
