Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post
कन्नड (मेट्रोपोलिस पोस्ट वृत्तसेवा) : तीन दिवसांपासून बेपत्ता असलेल्या ४५ वर्षीय व्यक्तीचा मृतदेह कन्नड शहराजवळील शिवना नदीकाठी शिवनगर परिसरात बुधवारी (११ मार्च) सकाळी १०:३० च्या सुमारास आढळला. रवींद्र गंगाधर मोरे (वय ४५, रा. शिवनगर कोळीवाडा) असे मृत्यू झालेल्याचे नाव आहे.
रवींद्र बेपत्ता झाल्यानंतर मित्रपरिवार व शेजाऱ्यांनी शोधाशोध केली. मात्र शोध लागला नव्हता. शिवना नदीकाठी झुडुपांत मृतदेह आढळला. सामाजिक कार्यकर्ते डॉ. सदाशिव पाटील यांनी पोलिसांना कळवताच सहायक फौजदार नासेर पठाण यांनी घटनास्थळी धाव घेतली. रवींद्र यांच्या पश्चात आई आहे. घटनेची नोंद कन्नड शहर पोलिसांनी घेतली आहे. त्यांचा मृत्यू कसा झाला, हे अद्याप स्पष्ट झालेले नाही. अधिक तपास केला जात आहे.
