बैल धुण्यासाठी तलावात उतरलेल्या शेतकऱ्याचा बुडून मृत्‍यू, खुलताबाद तालुक्‍यातील घटना

By City News Desk

On 03 Sep 2024

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

खुलताबाद (सीएससीएन वृत्तसेवा) : बैल धुण्यासाठी तलावात उतरलेल्या शेतकऱ्याला पाण्याचा अंदाज आला नाही. तलावात बुडून त्याचा मृत्‍यू झाला. ही दुर्दैवी घटना खुलताबाद तालुक्यातील गदाना येथे रविवारी (१ सप्‍टेंबर) पोळा सणाच्या पूर्वसंध्येला घडली. त्‍यामुळे गावात हळहळ व्यक्‍त होत आहे. मच्छिंद्र उत्तम बडुगे (वय ४५) असे मृत्‍यू झालेल्या शेतकऱ्याचे नाव आहे. रविवारी सायंकाळी पाचला खांदेमळणी निमित्ताने मच्छिंद्र […]

खुलताबाद (सीएससीएन वृत्तसेवा) : बैल धुण्यासाठी तलावात उतरलेल्या शेतकऱ्याला पाण्याचा अंदाज आला नाही. तलावात बुडून त्याचा मृत्‍यू झाला. ही दुर्दैवी घटना खुलताबाद तालुक्यातील गदाना येथे रविवारी (१ सप्‍टेंबर) पोळा सणाच्या पूर्वसंध्येला घडली. त्‍यामुळे गावात हळहळ व्यक्‍त होत आहे.

मच्छिंद्र उत्तम बडुगे (वय ४५) असे मृत्‍यू झालेल्या शेतकऱ्याचे नाव आहे. रविवारी सायंकाळी पाचला खांदेमळणी निमित्ताने मच्छिंद्र गावातील काही शेतकऱ्यांसह बैल धुण्यासाठी गावाशेजारील तलावात उतरला होते. बैल धुताना पाण्याच्या खोलीच अंदाज न आल्याने मच्छिंद्र बुडाले. अंकुश बडुगे व गोरख बडुगे यांनी पोहत जाऊन मच्छिंद्र यांना तलावातून बाहेर काढले. खुलताबाद येथील शासकीय रुग्णालयात दाखल केले. मात्र डॉक्टरांनी तपासून मृत घोषित केले. त्यांच्या पार्थिवावर सोमवारी दुपारी अंत्यसंस्कार करण्यात आले. त्यांच्या पश्चात वडील, पत्नी, एक मुलगा, एक मुलगी असा परिवार आहे.