अतिवृष्टीग्रस्त शेतकऱ्याची विष पिऊन आत्‍महत्‍या; पंचनामे होत नसल्याने संताप, सोयगाव तालुक्‍यातील संतापजनक घटना

By City News Desk

On 12 Sep 2024

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

सोयगाव (सीएससीएन वृत्तसेवा) : अतिवृष्टीमुळे झालेल्या पिकांच्या नुकसानीचे पंचनामे होत नसल्याने आलेल्या नैराश्यातून अल्पभूधारक शेतकऱ्याने बुधवारी (११ सप्‍टेंबर) रात्री अकराला विष पिले. उपचारादरम्यान आज, १२ सप्‍टेंबरला पहाटे पाचला त्याचा मृत्यू झाला. ही घटना सोयगाव तालुक्‍यातील गलवाडा येथे घडली. घटनेमुळे सोयगाव परिसरात हळहळ व्यक्त होत आहे. भारत शेषराव लव्हटे (वय ३७, रा. गलवाडा) असे आत्‍महत्‍या केलेल्या […]

सोयगाव (सीएससीएन वृत्तसेवा) : अतिवृष्टीमुळे झालेल्या पिकांच्या नुकसानीचे पंचनामे होत नसल्याने आलेल्या नैराश्यातून अल्पभूधारक शेतकऱ्याने बुधवारी (११ सप्‍टेंबर) रात्री अकराला विष पिले. उपचारादरम्यान आज, १२ सप्‍टेंबरला पहाटे पाचला त्याचा मृत्यू झाला. ही घटना सोयगाव तालुक्‍यातील गलवाडा येथे घडली. घटनेमुळे सोयगाव परिसरात हळहळ व्यक्त होत आहे.

भारत शेषराव लव्हटे (वय ३७, रा. गलवाडा) असे आत्‍महत्‍या केलेल्या शेतकऱ्याचे नाव आहे. त्यांची गलवाडा शिवारात दोन एकर शेती आहे. २ व ३ सप्‍टेंबरला अतिवृष्टीमुळे त्यांच्य कपाशी, उडीद, मूग या पिकांचे नुकसान झाले होते. खरीप पेरणीसाठी त्यांनी दीड लाख रुपये कर्ज घेतले होते. नुकसानीमुळे कर्ज कसे फेडायची ही चिंता त्यांना होती. यातूनच बुधवारी रात्री अकराला विष घेतले. त्यांना कुटुंबीयांनी सोयगाव ग्रामीण रुग्णालयात दाखल केले. तिथून जळगावच्या सामान्य रुग्णालयात हलविण्यात आले. मात्र आज पहाटे पाचला त्यांचा मृत्यू झाला. दुपारी दोनला गलवाडा येथे त्‍यांच्यावर अंत्यसंस्कार करण्यात आले. त्यांच्या पश्चात आई, वडील, दोन भाऊ, पत्नी, दोन मुले, एक मुलगी असा परिवार आहे.