Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post
छत्रपती संभाजीनगर (मेट्रोपोलिस पोस्ट वृत्तसेवा) : छत्रपती संभाजीनगर शहरात भूकंपाचे धक्के जाणवल्याची अफवा शनिवारी (२२ नोव्हेंबर) दुपारी पसरली होती. नंतर ती अफवा असल्याचे समोर आले.
गणेश कॉलनी, रशीदपुरा, टीव्ही सेंटर भागात गूढ आवाज आणि हादरे बसल्याची चर्चा सुरू झाली होती. याबाबत जिल्हा प्रशासन व आपत्ती व्यवस्थापन कक्षाने मात्र भूकंपाची कोणतीही नोंद झाली नसल्याचे स्पष्ट केले. केंद्र सरकारच्या भूकंप मापक अॅपवरही कोणतीही नोंद दिसली नाही. त्यामुळे ही अफवा असल्याचे समोर आले. मात्र या अफवेमुळे शहरात काल दिवसभर संभ्रमाचे वातावरण तयार झाले होते. नागरिकांनी कोणत्याही अफवांवर विश्वास ठेवू नये, असे आवाहन प्रशासनाने केले आहे. याबाबत निवासी उपजिल्हाधिकारी जनार्दन विधाते यांनी सांगितले, की भूकंपाची चर्चा आमच्यापर्यंतही आली होती. मात्र जिल्ह्यात कुठेही भूकंप नाही. ती अफवा असल्याचे नंतर समोर आले.
.jpg)
