छत्रपती संभाजीनगर (मेट्रोपोलिस पोस्ट वृत्तसेवा) : ज्येष्ठ पत्रकार शेषराव पठाडे यांच्या अंगावर दुचाकी घालून गुंडाने जीवे मारण्याचा प्रयत्न केला. पुंडलिकनगर पोलिसांनी त्याच्याविरुद्ध गुन्हा दाखल केला आहे. विशेष म्हणजे, या गुंडाने यापूर्वीही एका राजकीय नेत्यावर पिस्तुल रोखले होते. दिवसेंदिवस त्याच्या गुन्हेगारी कारवाया वाढत असूनही, पोलीस त्याला वेसन का घालत नाहीत, असा प्रश्न निर्माण झाला आहे. कार्तिक राजू लोकल (रा. तिरुपती विहार, गारखेडा परिसर) गुन्हा दाखल झालेल्या हल्लेखोराचे नाव आहे.
नक्की काय घडलं?ड्यूटी संपल्यावर श्री. पठाडे हे १९ नोव्हेंबरच्या रात्री ११.१५ वाजता घरी आले. बिल्डिंगच्या पार्किंगमध्ये दुचाकी वळवत असताना मागून दुचाकीवर आलेल्या कार्तिकने त्यांच्या अंगावर दुचाकी (क्र. एमएच २० सीएन ०४४७) घालण्याचा प्रयत्न केला. पठाडे यांनी त्याला अंगावर गाडी घालताय का? अशी विचारणा केल्यावर त्याचा संताप अनावर झाला. त्याने शिवीगाळ करत जीवे मारण्याची धमकी दिली. आरडाओरड ऐकून पठाडे यांच्या पत्नी घरी आल्या. त्या वाद मिटवत असताना कार्तिकने त्यांनाही अश्लील शिवीगाळ करत जीवे मारण्याची धमकी केली.
अधिक तपास पोलीस अंमलदार संतोष केवारे करीत आहेत. कार्तिकने सहा महिन्यांत केलेला हा दुसरा गुन्हा असून, त्याने २८ एप्रिलला सिडको चौकाजवळील हॉटेल कलिंगामध्ये राष्ट्रवारी काँग्रेसचे नेते आशिष वसंतराव पवार यांना मारहाण करत त्यांच्यावर नकली पिस्तूल रोखले होते. त्याचे वडील पाटबंधारे खात्यात नोकरीला होते. पांढरे कपडे घालून भाईगिरी करतो, असे पोलिसांनी पत्रकारांना सांगितले.
.jpg)
.jpg)
1.jpg)
.jpg)
