Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post
छत्रपती संभाजीनगर (मेट्रोपोलिस पोस्ट वृत्तपत्राच्या सौजन्याने) : शहरात पुन्हा एकदा तोतया पोलिसांनी धुमाकूळ माजवला आहे. पदमपुऱ्यात खून झाला असून, आम्ही पोलीस आहोत. तुमचे दागिने पिशवीत काढून ठेवा, असे म्हणत तोतया पोलिसांनी २ महिलांचे ९ तोळे सोन्याचे दागिने हातचलाखीने गायब केले. रेल्वे स्टेशन रस्त्यावरील भाजप कार्यालयासमोर ही घटना शुक्रवारी (२६ सप्टेंबर) दुपारी पावणेबाराला घडली.
मीना प्रदीप सोनी (वय ६५, रा. कोकणवाडी) या मोपेडवरून भाजीपाला घेण्यासाठी भाजप कार्यालयासमोर आल्या होत्या. त्यांना दोघांनी थांबवत पोलीस असल्याची बतावणी करत अंगावरील दागिने पिशवीत काढून ठेवण्यास सांगितले. त्या दागिने काढून ठेवत असताना दोघांनी मदतीच्या बहाण्याने दागिने स्वतःकडे घेत पिशवीत ठेवण्याचे नाटक केले. त्यानंतर पसार झाले. काही वेळाने मीना यांनी पिशवीत दागिने तपासले असता दिसून आले नाहीत. याच पद्धतीने भारती राठोड यांनाही लुटले गेल्याचे समोर आले. दोघींचे मिळून ९ तोळ्यांचे दागिने तोतया पोलिसांनी नेले आहेत. सहायक पोलीस आयुक्त संपत शिंदे, पोलीस निरीक्षक प्रविणा यादव यांनी घटनास्थळी धाव घेतली. दोन्ही लुटारू सीसीटीव्ही कॅमेऱ्यात कैद झाले असून, सायंकाळी याप्रकरणी वेदांतनगर पोलिसांनी गुन्हा दाखल करून तोतया पोलिसांचा शोध सुरू केला आहे.
.jpg)
.jpg)
