Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post
छत्रपती संभाजीनगर (मेट्रोपोलिस पोस्ट वृत्तसेवा) : वाळूज एमआयडीसी परिसरातील साजापूर शिवारातील रॉयल एंटरप्रायजेस या भंगार गोडावूनला आग लागली. यात सुमारे १८ लाखांचे नुकसान झाल्याचा अंदाज आहे. ही घटना गुरुवारी (२५ सप्टेंबर) पहाटे पावणेतीनला घडली. शुक्रवारी (२६ सप्टेंबर) या घटनेची नोंद वाळूज एमआयडीसी पोलीस ठाण्यात झाल्याचे सूत्रांनी सांगितले.
साजापूर येथे गट क्र. ५९ मध्ये आफताब खान यांचे रॉयल एंटरप्राईजेस नावाने भंगारचे गोडावून आहे. ते बुधवारी सायंकाळी नेहमीप्रमाणे गोडावून बंद करून घरी गेले. गुरुवारी पहाटे पावणेतीनच्या सुमारास गोडावूनमधील कामगार राजेंद्र गौतम यांनी कॉल करून त्यांना आग लागल्याचे सांगितले. अग्निशमन दलाने आग आटोक्यात आणली. आफताब यांनी पोलिसांना सांगितले, की गोडावूनसमोरील सीसीटीव्ही फूटेजमध्ये एक अनोळखी व्यक्ती आगीतून पळताना दिसून आला असून, ही आग कोणीतरी जाणीवपूर्वक लावल्याचा त्यांनी संशय व्यक्त केला आहे. आगीत २४ टन प्लास्टिक स्क्रॅप, २.५ टन ॲल्युमिनियम स्क्रॅप व इतर भंगार असे मिळून सुमारे १८ लाखांचे नुकसान झाल्याचे त्यांनी सांगितले. पोलिसांनी अज्ञात व्यक्तीविरुद्ध गुन्हा दाखल केला आहे. अधिक तपास केला जात आहे.
पैठण (मेट्रोपोलिस पोस्ट वृत्तसेवा) : पैठण तालुक्यातील बिडकीन पोलीस ठाण्याच्या हद्दीत येणाऱ्या पैठणखेडा येथे ४० वर्षीय युवकाचा मृतदेह त्याच्या शेजारी...
.jpg)
.jpg)
