Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post
छत्रपती संभाजीनगर (मेट्रोपोलिस पोस्ट वृत्तसेवा) : रो हाऊसला आग लागून घरातील साहित्य खाक झाले. अंदाजे ७ लाख रुपयांचे नुकसान झाल्याचा प्राथमिक अंदाज आहे. ही घटना आज, २४ नोव्हेंबरला दुपारी पावणेदोनच्या सुमारास सिडको वाळूज महानगरातील पाण्याच्या टाकीजवळील प्रकाश जाधव यांच्या रो-हाऊसमध्ये घडली.
गॅस सिलिंडरच्या व्हॉल्व्हमधून लिकेज झाल्याने आग लागल्याचे सांगण्यात येत आहे. सिलिंडर पूर्ण रिकामे होईपर्यंत खबरदारी म्हणून काही काळ थांबावे लागल्याने आग वाढत गेली. सुमारे २० मिनिटांच्या प्रयत्नांनंतर अग्निशमन दलाने आग आटोक्यात आणली. या वेळी उप अग्निशमन अधिकारी अनिल देशमुख यांच्या मार्गदर्शनाखाली फायर लिडर एल. जी. ब्रह्मणकर, आर. के. जाट, एस. बी. सोनवणे, डी. पी. पाटील, टी. बी. तांदळे, पी. डी. घुगे आदी कर्मचाऱ्यांनी तत्परतेने कारवाई करून मोठा अनर्थ टाळला. सुदैवाने कोणतीही जीवितहानी झाली नाही. या आगीत किचन व इतर घरगुती साहित्याचे मोठ्या प्रमाणात नुकसान झाले आहे.
.jpg)
.jpg)
.jpg)
1.jpg)
.jpg)
