बन्सीलालनगरमध्ये महिलेचे ४ तोळ्यांचे मंगळसूत्र हिसकावून चोरटे पसार!

By City News Desk

On 17 Nov 2025

बन्सीलालनगरमध्ये महिलेचे ४ तोळ्यांचे मंगळसूत्र हिसकावून चोरटे पसार!

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

छत्रपती संभाजीनगर (मेट्रोपोलिस पोस्ट वृत्तपत्राच्या सौजन्याने) : मंगळसूत्र चोरीच्या घटना शहरात वाढल्या आहेत. शनिवारी (१५ नोव्‍हेंबर) सकाळी साडेआठला बन्सीलालनगरमध्ये आणखी एका महिलेचे मंगळसूत्र हिसकावून दुचाकीस्वार चोरट्यांनी धूम ठोकली.

अश्विनी राजेंद्र कोटेचा (वय ६०, रा. बन्सीलालनगर) या सकाळी साडेआठला मैत्रिणीसोबत मंदिरात जात होत्या. मनपाच्या दवाखान्याजवळून पुढे जाताच समोरून स्पोर्ट्‌स बाइकवरून आलेल्या दोघांपैकी मागे बसलेल्याने अश्विनी यांच्या गळ्यातील चार तोळ्यांचे मिनी गंठण हिसकावले. अश्विनी आणि त्यांच्या मैत्रिणीने आरडाओरड करेपर्यंत दोघे सुसाट निघून गेले. घटनेची माहिती मिळताच वेदांतनगर पोलिसांनी घटनास्‍थळी येऊन परिसरातील सीसीटीव्ही फूटेज तपासले.

लुटारूंनी जॅकेट, टोपी घातलेली होती. चालू वर्षात ७ नोव्‍हेंबरपर्यंत शहरात ४७ महिलांचे मंगळसूत्र हिसकावल्याच्या घटना समोर आल्या आहेत. ४७ घटनांपैकी तब्बल ३४ घटना जवाहरनगर पोलीस ठाण्याच्या हद्दीत घडल्या आहेत. सकाळी ६ ते दुपारी १२ व सायंकाळी ५ ते रात्री ९ या काळात पोलीस नाकेबंदी करत असूनही चोरटे जुमानत नसल्याचे चित्र आहे.