Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post
छत्रपती संभाजीनगर (मेट्रोपोलिस पोस्ट वृत्तसेवा) : दोन अल्पवयीन मुलींचे छत्रपती संभाजीनगर शहरातून अपहरण झाल्याच्या घटना समोर आल्या आहेत. एक घटना जवाहरनगर पोलीस ठाण्याच्या हद्दीत तर दुसरी सिडको पोलीस ठाण्याच्या हद्दीत घडली आहे.
पिसादेवी रोड भागात राहणाऱ्या महिलेने त्यांच्या १६ वर्षांच्या मुलीच्या अपहरणाची तक्रार सिडको पोलीस ठाण्यात दिली आहे. मुलगी कुणाला काही न सांगता घरातून निघून गेली. तिचा परिसरात, नातेवाइक, मैत्रिणींकडे शोध घेतला. मात्र ती मिळून आली नाही. तिला कुणीतरी पळवून नेल्याची शक्यता तिच्या आईने पोलीस तक्रारीत व्यक्त केली आहे. त्यावरून पोलिसांनी अज्ञात अपहरणकर्त्याविरुद्ध गुन्हा दाखल करत शोध सुरू केला आहे. अधिक तपास पोलीस अंमलदार मधुकर गोरे करत आहेत. दुसरी घटना इंदिरानगर भागात घडली असून, घरातून १७ वर्षीय मुलगी कुणाला काही एक न सांगता निघून गेली आहे. ती ११ वीत शिकते. तिला कुणीतरी फूस लावून पळवल्याचे तिच्या आईने जवाहरनगर पोलीस ठाण्यात दिलेल्या तक्रारीत म्हटले आहे. अधिक तपास पोलीस अंमलदार संदीप क्षीरसागर करत आहेत.
.jpg)
